ZHURNAL.MK ZHURNAL.KS ZHURNAL.AL

 

Lajme nga Maqedonia
Santorinjos: Emër i përbërë për përdorim të përgjithshëm dhe ndryshim të Kushtetutës

"Në këtë moment, nuk kemi asnjë vend pa emër. Ka emër, gjithsesi emër i përkohshëm për të cilin kemi nënshkruar ne, ku është përfshirë termi Maqedoni dhe gjithashtu edhe 130 vende të cilat e kanë pranuar nën emrin e saj kushtetues", tha zëvendësministri grek.

134108549.jpg

Athinë, 13 shkurt - Vazhdojnë negociatat në nivel të ministrave të jashtëm, thotë zëvendësministri grek i Detarisë, Nektarios Santorinios, lidhur me takimet në Vjenë, pa zbuluar detaje shtesë për bisedimet midis dy krerëve të diplomacive dhe ndërmjetësuesit, Methju Nimic.

Siç raporton korrespondenti i MIA-s nga Athina, Santorinjos, në intervistën për televizionin grek Skaj, i përsëriti pozitat e Greqisë për emër të përbërë, erga omnes, duke sqaruar se "nuk mund ta ndryshoni emrin për përdorim të përgjithshëm dhe brenda vendit, nëse nuk e ndryshoni Kushtetutën".

"Pozita jonë është e qartë, emër i përbërë për përdorim të përgjithshëm dhe kur themi për përdorim të përgjithshëm mendojmë edhe në brendësinë e vendit fqinj. Kur themi për përdorim të përgjithshëm, parakusht është ndryshimi i Kushtetutës", thotë Santorinjos dhe shton se Athina nuk do të largohet nga këto pozita.

Zëvendësministri grek i Detarisë, thotë se veçanërisht është me rëndësi ajo që Maqedonia ka bërë ndryshime në emrat e aeroportit dhe autostradës, që sipas tij është hap i rëndësishëm dhe largim nga irredentizmi.

Në lidhje me mospajtimin nga partneri i koalicionit në Qeveri, Panos Kamenos, Santorinjos thotë se Greqia, që moti ka pranuar emër me termin Maqedoni.

"Në këtë moment, nuk kemi asnjë vend pa emër. Ka emër, gjithsesi emër i përkohshëm për të cilin kemi nënshkruar ne, ku është përfshirë termi Maqedoni dhe gjithashtu edhe 130 vende të cilat e kanë pranuar nën emrin e saj kushtetues", tha zëvendësministri grek.

 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 13.02.2018, 18:22  | T.E. | 815 i lexuar

 

 

 

Në MPJ u mbajt takim në formatin SHBA-Karta e Adriatikut A5

Shkup, 16 tetor  - Në Ministrinë e Punëve të Jashtme të Republikës së Maqedonisë sot u mbajt takim i përfaqësuesve kompetentë për marrëdhënie me opinionin në Ministrinë e Punëve të Jashtme dhe Ministrinë e Mbrojtjes të,vendeve-anëtare të SHBA-Karta e Adriatikut - SHBA, Republika e Maqedonisë, Republika e Kroacisë, Republika e Shqipërisë, Mali i Zi dhe Bosnja e Hercegovina, ku marrin pjesë edhe vendet-vëzhguese - Republika e Sllovenisë dhe Republika e Kosovës.

"Takimi, i cili tematikisht ishte përkushtuar në "Sfidat në komunikimet strategjike të personave përgjegjës për marrëdhënie me opinionin në procesin evropian dhe euroatlantik", ishte shfrytëzuar për shkëmbim të mendimeve, qëndrimeve dhe përvojave në kontekst të perceptimit të sfidave, me theks të veçantë të proceseve integruese evropiane dhe euroatlantike të vendeve të rajonit", thuhet në kumtesën e MPJ-së.

Takimi, siç është theksuar në kumtesë, është mbajtur në suaza të kryesimit të Malit të Zi me SHBA-Karta e Adriatikut për vitin 2018, është ishte bashkëorganizuar  nga Ministria e Punëve të Jashtme dhe Ministrisë së Mbrojtjes së Republikës së Maqedonisë.

Në këtë rast pjesëmarrësit patën mundësi ta vizitojnë edhe Qendrën PARC, qendër e vetme e certifikuar e  NATO-s për trajnim, për marrëdhënie, që ndodhet në Republikën e Maqedonisë.

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 16.10.2018, 21:05  | T.E. | 53 i lexuar

© ZHURNAL.mk

MARKETINGU    |    IMPRESUM    |    KONTAKT    |    ARKIVA
AGJENCIA E LAJMEVE "ZHURNAL"
Fon: 02 3217 815, E-mail: info @ zhurnal.mk
© 2018 Agjencia e lajmeve "ZHURNAL"
Të gjitha të drejtat e përmbajtjes në këtë portal janë të rezervuara. Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.