ZHURNAL.MK ZHURNAL.KS ZHURNAL.AL

 

Lajme nga Maqedonia
Nikollovski: Subvencione më të mëdha për duhanin për rekoltën e re

Duke filluar nga rekolta për vitin 2017 kultivuesit e duhanit do të marrin subvencione më të larta për një kilogram të dorëzuar duhan, paralajmëroi sot ministri i Bujqësisë, Pylltarisë dhe Ekonomisë së Ujërave, Lupço Nikollovski.

134108638.jpg

Shkup, 13 shkurt - Duke filluar nga rekolta për vitin 2017 kultivuesit e duhanit do të marrin subvencione më të larta për një kilogram të dorëzuar duhan, paralajmëroi sot ministri i Bujqësisë, Pylltarisë dhe Ekonomisë së Ujërave, Lupço Nikollovski.

Kjo, siç tha, në konferencën e sotme për media është mundësuar me pranimin e dispozitës për pagesa të drejtpërdrejta për vitin 2018 e miratuar në seancën e sotme të Qeverisë me të cilën është definuar që subvencioni për klasin e parë të duhanit të arrijë 80 denarë për kilogram, për klasin e dytë 70 denarë, ndërsa për klasin e tretë dhe të katërt, si dhe për të dy klaset shtesë 60 denarë për një kilogram.

"Në këtë mënyrë do t'i motivojmë kultivuesit e duhanit jo vetëm ta rrisin prodhimin e duhanit, por edhe të orientohen drejt prodhimit të duhanit me cilësor që të fitojnë subvencion më të lartë", tha Nikollovski.

Shtoi, se politikat e ardhshme në zhvillimin e kultivimit të duhanit do të realizohen jo vetëm përmes subvencioneve të rritura për duhanin, por edhe përmes ndryshimeve në ligjin e ri për duhan dhe prodhime të duhanit.

"Me ligjin e ri, i cili tashmë është përpiluar dhe pritet së shpejti të miratohet do të hiqen parashtrimi i listave evidente. Kultivuesit e duhanit drejtpërdrejtë do të lidhin marrëveshje me ndërmarrjet blerëse dhe në këtë mënyrë do t'ua lehtësojmë procedurën administrative për lidhje të marrëveshjeve për prodhim", thekson Nikollovski.

Theksoi se rekolta për vitin 2017 është një prej më të mirave dhe shtoi se blerja përfundon me çmimin e arritur blerëse mbi mesataren prej 217,5 denarë për një kilogram, ndërsa duhani, siç tha, ishte me cilësi të shkëlqyer dhe pothuajse nuk kishte klas të katërt.

Politikat e Qeverisë në kultivimin e duhanit, siç tha, bëhen në pajtim me të gjitha institucionet ndërkombëtare dhe shtoi se Qeveria do ta pranojë vërejtjen e Organizatës Botërore të Shëndetësisë të prodhohet më pak duhan, për siç tha, me para të IPA fondeve parashikohen projekte për kthimin e tokës bujqësore të mbjellë me duhan për kultivimin e kulturave tjera. 

 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 13.02.2018, 16:22  | D.J. | 989 i lexuar

 

 

 

Në MPJ u mbajt takim në formatin SHBA-Karta e Adriatikut A5

Shkup, 16 tetor  - Në Ministrinë e Punëve të Jashtme të Republikës së Maqedonisë sot u mbajt takim i përfaqësuesve kompetentë për marrëdhënie me opinionin në Ministrinë e Punëve të Jashtme dhe Ministrinë e Mbrojtjes të,vendeve-anëtare të SHBA-Karta e Adriatikut - SHBA, Republika e Maqedonisë, Republika e Kroacisë, Republika e Shqipërisë, Mali i Zi dhe Bosnja e Hercegovina, ku marrin pjesë edhe vendet-vëzhguese - Republika e Sllovenisë dhe Republika e Kosovës.

"Takimi, i cili tematikisht ishte përkushtuar në "Sfidat në komunikimet strategjike të personave përgjegjës për marrëdhënie me opinionin në procesin evropian dhe euroatlantik", ishte shfrytëzuar për shkëmbim të mendimeve, qëndrimeve dhe përvojave në kontekst të perceptimit të sfidave, me theks të veçantë të proceseve integruese evropiane dhe euroatlantike të vendeve të rajonit", thuhet në kumtesën e MPJ-së.

Takimi, siç është theksuar në kumtesë, është mbajtur në suaza të kryesimit të Malit të Zi me SHBA-Karta e Adriatikut për vitin 2018, është ishte bashkëorganizuar  nga Ministria e Punëve të Jashtme dhe Ministrisë së Mbrojtjes së Republikës së Maqedonisë.

Në këtë rast pjesëmarrësit patën mundësi ta vizitojnë edhe Qendrën PARC, qendër e vetme e certifikuar e  NATO-s për trajnim, për marrëdhënie, që ndodhet në Republikën e Maqedonisë.

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 16.10.2018, 21:05  | D.J. | 1 i lexuar

© ZHURNAL.mk

MARKETINGU    |    IMPRESUM    |    KONTAKT    |    ARKIVA
AGJENCIA E LAJMEVE "ZHURNAL"
Fon: 02 3217 815, E-mail: info @ zhurnal.mk
© 2018 Agjencia e lajmeve "ZHURNAL"
Të gjitha të drejtat e përmbajtjes në këtë portal janë të rezervuara. Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.