ZHURNAL.MK ZHURNAL.KS ZHURNAL.AL

 

Lajme nga Maqedonia
Bilalli: PSP-ja të merret me rastin “Monstra”

Prokuroria Speciale Publike (PSP) do të mbaj duart larg përfaqësimit të aktakuzës në rastin “Monstra” deri sa nuk

bilalli_1.jpg

Shkup, 13 shkurt - Prokuroria Speciale Publike (PSP) do të mbaj duart larg përfaqësimit të aktakuzës në rastin “Monstra” deri sa nuk miratohen ndryshimet në Ligjin për dëshmitarët e mbrojtur. Nga Specialja njoftuan shkurt se ka procedurë para-hetimore por çdo gjë tjetër mbetet besueshmëri e hetimit. Për mbrojtjen ishte e pa pritshme akuza e njëjtë por u shprehen optimist se deri në seancën e radhës nuk përjashtohet mundësia që në proces të kyçet edhe PSP-ja. Ekspertët komentojnë nevojën e kyçjes së ekipit të Katica Janevas në rigjykim. Juristja Arta Zendeli vlerëson se Specialja duhet të përfshihet në këtë rast pasi që provat dhe dëshmitarët e tyre do ta zbardhnin të vërtetën.

"Për shkak se bëhet fjalë për një proces i cili do të rigjykohet dhe dëshira akoma ekziston se kjo lëndë duhet të ndiqet nga PSP, mendoj se kjo e fundit duhet të jetë më e vendosur në punën e saj pasi që gëzon një besim të madh në opinion, sepse pritet zgjidhja e rasteve. Duhet të kyçet në këtë rast sepse duam ta shohim të procedohet nga PSP dhe më këtë të arsyeton besimin të cilin e gëzon si institucion i cili më së miri mund të menaxhon me situatat kritike në sistemin e drejtësisë në vend", deklaroi Arta Billali Zendeli, Juriste.

Ditë më parë filloi rigjykimi i rastit “Monstra”. Prokurori Naum Panovski mbrojti të njëjtën aktakuzë, gjegjësisht atë për terrorizëm të shtruar nga ish Prokurorja Gordana Geshkovska. Seanca e djeshme u anulua për shkak të mos përfshirjes së të akuzuarit Sami Luta në akuzë bashkë me të akuzuarit e tjerë. Palët u pajtuan që rasti të rigjykohet në mungesë të dy të akuzuarve Alil Demiri dhe Afrim Ismailoviq. Mbrojtja në rigjykim fillimisht do të kërkojë veturën e dyshimtë Opel Omega, duke pritur në të njëjtën kohë që Specialja të zbardh të vërtetën e dëshmitarit të vetëm të mbrojtur në këtë rast. Më 24 nëntor të vitit kaluar më kërkesë të Prokurorisë Publike mbi dyshimet e hedhura ndaj akuzës për terrorizëm dhe mundësisë për rrethana të reja që mund të burojnë nga bisedat e përgjuara, Gjykata Supreme unanimisht vendosi për kthimin e lëndës në shkallën e parë. Për vrasjen e pesëfishtë në liqenin e Smillkovës në vitin 2012 me burg të përjetshëm u dënuan gjashtë persona: Alil Demiri, Haki Aizir, Fejzi Aziri, Sami Luta, Afrim Ismajloviq dhe Agim Ismajloviq. Nga akuza ishte liruar Rami Sejdii.

 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 13.02.2018, 16:07  | Xh.I. | 1,161 i lexuar

 

 

 

Kongresistë nga SHBA-ja i drejtohen Zaevit: Është koha të konfirmohet vullneti i votuesve për ndërlidhjen e tyre me Perëndimin

Shkup, 15 tetor - Komisioni për partneritet demokratik i Dhomës përfaqësuese të Kongresit të SHBA-së në letrën adresuar kryeministrit Zoran Zaev shprehë inkurajim për qasje drejt ndryshimeve kushtetuese të cilat janë tëp domosdoshme për zbatimin e Marrëveshjes së Prespës edhe krahas sfidave pas referendumit, mes të cilave edhe përpjekjet e hapura dhe të mbuluara ruse për ta minuar Marrëveshjen.

Letra, të cilën e pranoi kryeministri i Maqedonisë, është nënshkruar nga Piter Roskam, kryesues nga Partia republikane dhe Dejvid Prajs, zëvendës-kryesues nga Partia demokratike, ndërkaq është dërguar në emër të 20 kongresistëve, republikanë dhe demokratë.

Kongresistët nga ky Komision, mandati i të cilit është të bashkëpunojë me vendet partnere të SHBA-së për zhvillim të institucioneve efikase dhe përgjegjëse, në letrën drejtuar Zaevit dhe Qeverisë përgëzojnë për shumicën e madhe të votave "për" në referendum dhe theksojnë se Kongresi amerikan mbetet fuqishëm me qytetarët e Republikës së Maqedonisë në aspiratat e tyre për anëtarësim në NATO dhe BE.

"Demorkacia nuk është vetëm mbajtje e zgjedhjeve të lira dhe të drejta, por  ajo që ndodhë mes dy cikleve zgjedhore. Tani është koha që bota ta shohë energjinë e demokracisë në Maqedoni, përmes konfirmimit të vullnetit të votuesve për ndërlidhjen e tyre me botën perëndimore", thuhet në letër.

Kongresistët amerikanë theksojnë se kontesti për emrin me Greqinë ka qëndruar tejet gjatë në rrugën e integrimeve euroatlantike të cilat do të thonë përfitime për qytetarët e Maqedonisë dhe se është koha që kontestet e këtilla të lihen anash, përmes angazhimit për përparim përfundimtar.

Nëshkruesit e letrës theksojnë se Kongresi i SHBA-së mbetet edhe më tutje i përkushtuar në marrëdhëniet bilaterale mes dy vendeve dhe i inspiruar nga rruga demokratike nëpër të cilin ecin qytetarët e Republikës së Maqedonisë. 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 15.10.2018, 12:15  | Xh.I. | 93 i lexuar

© ZHURNAL.mk

MARKETINGU    |    IMPRESUM    |    KONTAKT    |    ARKIVA
AGJENCIA E LAJMEVE "ZHURNAL"
Fon: 02 3217 815, E-mail: info @ zhurnal.mk
© 2018 Agjencia e lajmeve "ZHURNAL"
Të gjitha të drejtat e përmbajtjes në këtë portal janë të rezervuara. Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.