ZHURNAL.MK ZHURNAL.KS ZHURNAL.AL

 

Lajme nga Maqedonia
« Ekspertët » Nga zgjidhja e kontestit Greqi-Maqedoni fitojnë të dyja palët

Nga zgjidhja e kontestit shumëvjeçar me emrin Maqedonia do të përfitojë në rrugën e saj euro-atlantike kurse Greqia

greqi_1.jpg

Shkup, 13 shkurt - Nga zgjidhja e kontestit shumëvjeçar me emrin Maqedonia do të përfitojë në rrugën e saj euro-atlantike kurse Greqia do të jetë përfituese e madhe ekonomike, vlerësojnë ekspertët. Sipas tyre, cila do qoftë zgjidhja, asnjëra palë nuk mund të jetë humbëse.

"Diplomacia e zgjidhjes së konflikteve në mënyrë paqësore, parasheh dobi të ndryshme. Një ndër to është edhe dhënia e privilegjeve ekonomike Qeverive që janë në këtë proces. Në këtë aspekt, Qeveria e Greqisë supozoj do të mund të përfitojë në zbutjen e masave të shtrëngimit ashtu siç i quan BE-ja, faljen eventuale të borxheve ndaj vendeve anëtare të BE-së. Ndërsa Maqedonia eventualisht mund të përfitojë në investime në ndonjë projekt ekonomik të madh", tha Muhamet Halili, ish diplomat.

"Presioni ndaj nesh është i njohur. Bëhet fjalë për hyrje në NATO dhe negociata me BE-në. Por edhe ndaj Ciprasit ka presion me krizën ekonomike, p.sh. Pjer Moskovisi komisar për financa i BE-së dje qëndroi në Athinë dhe deklaroi se në gusht e sheh fundin e tunelit të krizës ekonomike në Greqi. Pra, Evropa paralajmëron se nuk do të ketë më programe të reja ekonomike me të cilat grekëve iu imponohet që të shtrëngojnë rripin dhe të kursejnë, por do të duhet të ketë njëfarë post-programi për monitorimin e zbatimit të masave ekonomike", u shpreh Svetllana Jovanovska.

Sipas ekspertëve ndër tjera, me zgjidhjen e emrit, Greqisë do t’i përmirësohej rejtingu në NATO dhe BE; do t’i zvogëlohej presioni që ka nga bashkësia ndërkombëtare në kontestin me Turqinë si dhe do të bëhej shembull në rajon për shtetet tjera që kanë konteste për të zgjidhur.

 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 13.02.2018, 16:34  | Xh.I. | 863 i lexuar

 

 

 

Kongresistë nga SHBA-ja i drejtohen Zaevit: Është koha të konfirmohet vullneti i votuesve për ndërlidhjen e tyre me Perëndimin

Shkup, 15 tetor - Komisioni për partneritet demokratik i Dhomës përfaqësuese të Kongresit të SHBA-së në letrën adresuar kryeministrit Zoran Zaev shprehë inkurajim për qasje drejt ndryshimeve kushtetuese të cilat janë tëp domosdoshme për zbatimin e Marrëveshjes së Prespës edhe krahas sfidave pas referendumit, mes të cilave edhe përpjekjet e hapura dhe të mbuluara ruse për ta minuar Marrëveshjen.

Letra, të cilën e pranoi kryeministri i Maqedonisë, është nënshkruar nga Piter Roskam, kryesues nga Partia republikane dhe Dejvid Prajs, zëvendës-kryesues nga Partia demokratike, ndërkaq është dërguar në emër të 20 kongresistëve, republikanë dhe demokratë.

Kongresistët nga ky Komision, mandati i të cilit është të bashkëpunojë me vendet partnere të SHBA-së për zhvillim të institucioneve efikase dhe përgjegjëse, në letrën drejtuar Zaevit dhe Qeverisë përgëzojnë për shumicën e madhe të votave "për" në referendum dhe theksojnë se Kongresi amerikan mbetet fuqishëm me qytetarët e Republikës së Maqedonisë në aspiratat e tyre për anëtarësim në NATO dhe BE.

"Demorkacia nuk është vetëm mbajtje e zgjedhjeve të lira dhe të drejta, por  ajo që ndodhë mes dy cikleve zgjedhore. Tani është koha që bota ta shohë energjinë e demokracisë në Maqedoni, përmes konfirmimit të vullnetit të votuesve për ndërlidhjen e tyre me botën perëndimore", thuhet në letër.

Kongresistët amerikanë theksojnë se kontesti për emrin me Greqinë ka qëndruar tejet gjatë në rrugën e integrimeve euroatlantike të cilat do të thonë përfitime për qytetarët e Maqedonisë dhe se është koha që kontestet e këtilla të lihen anash, përmes angazhimit për përparim përfundimtar.

Nëshkruesit e letrës theksojnë se Kongresi i SHBA-së mbetet edhe më tutje i përkushtuar në marrëdhëniet bilaterale mes dy vendeve dhe i inspiruar nga rruga demokratike nëpër të cilin ecin qytetarët e Republikës së Maqedonisë. 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 15.10.2018, 12:15  | Xh.I. | 93 i lexuar

© ZHURNAL.mk

MARKETINGU    |    IMPRESUM    |    KONTAKT    |    ARKIVA
AGJENCIA E LAJMEVE "ZHURNAL"
Fon: 02 3217 815, E-mail: info @ zhurnal.mk
© 2018 Agjencia e lajmeve "ZHURNAL"
Të gjitha të drejtat e përmbajtjes në këtë portal janë të rezervuara. Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.