ZHURNAL.MK ZHURNAL.KS ZHURNAL.AL

 

Bota
I dyshuari për sulmin me kamion në Stokholm e pranon fajësinë

I dyshuari për sulmin vdekjeprurës me kamion, që ka tronditur Suedinë në prill të vitit 2017, e ka pranuar fajësinë në ditën e parë të gjyqit

auto_stokholm_kamion_sulm1518530475.jpg

I dyshuari për sulmin vdekjeprurës me kamion, që ka tronditur Suedinë në prill të vitit 2017, e ka pranuar fajësinë në ditën e parë të gjyqit të tij në një gjykatë në Stokholm.

Avokati i Rakhmat Akilov tha se ai ka dashur të shkaktojë “frikë” dhe të nxjerrë Suedinë nga koalicioni që udhëheq SHBA-ja kundër grupit militant Shteti Islamik, transmeton REL.

Akilov, shtetas i Uzbekistanit, akuzohet për përplasjen e kamionit për një turmë njerëzish në një rrugë këmbësorësh në Stokholm, më 7 prill. Në këtë incident janë vrarë pesë njerëz.

Prokuroria ka kërkuar dënim të përjetshëm me burg për 39-vjeçarin.

Akilov do t'i adresohet gjykatës më 20 shkurt. Gjyqi pritet të zgjasë deri në maj, ndërsa vendimi do të merret muajin pasues.

Përgjegjësinë për sulmin në Stokholm nuk e ka marrë asnjë grup.

 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 13.02.2018, 15:33  | Xh.I. | 575 i lexuar

 

 

 

Zaev i gatshëm të fal për “27 prillin”, shtrin dorën e pajtimit

Shkup, 15 tetor - Kuvendi i Republikës së Maqedonisë e filloi mbledhjen e 61-të në të cilën në rend dite është Propozimi për qasje drejt ndryshimit të Kushtetutës së Republikës së Maqedonisë me udhëzime për ndryshimin dhe plotësimin e tij, parashtruar nga Qeveria.

Duke e arsyetuar propozimin, kryeministri Zoran zaev potencoi se tani përgjegjësia më e madhe për të ardhmen e vendit është në duart e deputetëve. U bëri thirrje të votojnë sipas vullnetit të tyre, posaçërisht ata që hamenden, të mendojnë se si do të votojnë.

"Shihni drejt të ardhmes, në të ardhmen e fëmijëve tuaj", tha kryeministri, duke shtuar se vullneti i qytetarëve është shteti të shkojë përpara", tha kryeministri.

Zgjedhja tjetër, sipas tij, do të na hedhë në izolim, dhe do të na i kthejë traumat politike që i përjetuam në 27 vitet e fundit, e posaçërisht gjatë viteve të fundit.

Vota për të ardhme evropiane të vendit tonë do të na çojë përpara në anëtarësim të barabartë në NATO dhe BE.

"Duhet të vendosni nëse do të fitojmë shumë apo do të humbim shumë", tha Zaev.

Bëri thirrje që të përfundojnë ndarjet sipas linjës partiake dhe bëri porosi për pajtim pas ngjarjeve të 27 prillit.

"Ja mundësia për të falur", tha kryeministri, duke e cekur 27 prillin, kur, siç tha, ka qenë cak i atyre sulmeve. Ta shtrijmë dorën, tha ai, duke shtuar se nuk ka mënyrë tjetër që populli të pajtohet nëse politikanët, deputetët në Parlament, nuk falin njëri-tjetrin.

Sipas tij, rolin dhe vendimin e tyre historik e presin të gjithë qytetarët dhe të gjithë në botë", tha Zaev.

Qeveria është e gatshme të jetë maksimalisht e përgatitur për pranim të amandamenteve, por të jenë në frymën e marrëveshjes së Prespës.

Ilija Dimovski nga VMRO-DPMNE, para votimit për rendin e ditës kërkoi që pika të ndërrohet, sepse, siç tha, kjo çështje nuk ka kredibilitet as zgjedhor, e as të referendumit. Për propozimin e Dimovskit votuan 39 deputetë, ndërsa kundër ishin 67.

Në sallë ndodhen deputetët e të gjitha grupeve parlamentare, ndërkaq në mbledhje mori pjesë edhe ministri i Punëve të Jashtme, Nikolla Dimitrov. 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 15.10.2018, 12:38  | Xh.I. | 144 i lexuar

© ZHURNAL.mk

MARKETINGU    |    IMPRESUM    |    KONTAKT    |    ARKIVA
AGJENCIA E LAJMEVE "ZHURNAL"
Fon: 02 3217 815, E-mail: info @ zhurnal.mk
© 2018 Agjencia e lajmeve "ZHURNAL"
Të gjitha të drejtat e përmbajtjes në këtë portal janë të rezervuara. Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.