ZHURNAL.MK ZHURNAL.KS ZHURNAL.AL

 

Lajme nga Shqiperia
Moti i keq, policia e shtetit apel shoferëve: Bëni kujdes me lëvizjen!

Nisur nga vërshimi i shumtë i informacioneve nga shërbimi meteorologjik lidhur me përkeqësimin e kushteve të motit,

cache-210-166-strict-324763_1.jpg

Tiranë, 13 shkurt - Nisur nga vërshimi i shumtë i informacioneve nga shërbimi meteorologjik lidhur me përkeqësimin e kushteve të motit, me porosi të Drejtorit të Përgjithshëm të Policisë së Shtetit, shërbimet e Policisë Rrugore kanë rritur prezencën në rrugë për të parandaluar aksidentet të mundshme rrugore.

Policia Rrugore në shërbim, po monitoron situatën në akset rrugore të Tiranës, Elbasanit, Durrësit, Korçës, Fierit e Shkodrës ku prania e reshjeve është më intensive.

Mjetet e shërbimit të Policisë Rrugore do të jenë në lëvizje të vazhdueshme dhe në raste të veçanta do të përdorin edhe mjetet e sinjalizimit shtesë, gjatë patrullimit në të gjitha akset rrugore, duke u tërhequr vëmendjen përdoruesve të rrugës, të zbatojnë normat e sjelljes në rrugë.

Policia Rrugore po bashkëpunon me entet pronare të rrugës dhe nënkontraktorët për vënien në gatishmëri të mjeteve për mirëmbajtjen e rrugëve dhe dhënien e ndihmës në rrugë. Ajo porosit që në zonat ku parashikohen reshje dëbore, mjetet rrugore të jenë të pajisura me zinxhirë në rastet kur në sipërfaqen e rrugës ka prani dëbore dhe akulli.

Në akset ku ka më shumë prezencë të reshjeve, Patrullat e Përgjithshme të Komisariateve të Policive përkatëse janë vënë në ndihmë të Policisë Rrugore. Në gatishmëri janë edhe disa grupe të FNSH-së Shkodër, Tiranë, e Fier.

Policia e Shtetit është në gatishmëri dhe fton të gjithë përdoruesit e rrugës dhe qytetarët që në rast nevoje për ndihmë, të telefonojnë në numrat pa pagesë 112 e 129.

d.gj/ shqiptarja.com

 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 13.02.2018, 15:28  | Xh.I. | 507 i lexuar

 

 

 

Kongresistë nga SHBA-ja i drejtohen Zaevit: Është koha të konfirmohet vullneti i votuesve për ndërlidhjen e tyre me Perëndimin

Shkup, 15 tetor - Komisioni për partneritet demokratik i Dhomës përfaqësuese të Kongresit të SHBA-së në letrën adresuar kryeministrit Zoran Zaev shprehë inkurajim për qasje drejt ndryshimeve kushtetuese të cilat janë tëp domosdoshme për zbatimin e Marrëveshjes së Prespës edhe krahas sfidave pas referendumit, mes të cilave edhe përpjekjet e hapura dhe të mbuluara ruse për ta minuar Marrëveshjen.

Letra, të cilën e pranoi kryeministri i Maqedonisë, është nënshkruar nga Piter Roskam, kryesues nga Partia republikane dhe Dejvid Prajs, zëvendës-kryesues nga Partia demokratike, ndërkaq është dërguar në emër të 20 kongresistëve, republikanë dhe demokratë.

Kongresistët nga ky Komision, mandati i të cilit është të bashkëpunojë me vendet partnere të SHBA-së për zhvillim të institucioneve efikase dhe përgjegjëse, në letrën drejtuar Zaevit dhe Qeverisë përgëzojnë për shumicën e madhe të votave "për" në referendum dhe theksojnë se Kongresi amerikan mbetet fuqishëm me qytetarët e Republikës së Maqedonisë në aspiratat e tyre për anëtarësim në NATO dhe BE.

"Demorkacia nuk është vetëm mbajtje e zgjedhjeve të lira dhe të drejta, por  ajo që ndodhë mes dy cikleve zgjedhore. Tani është koha që bota ta shohë energjinë e demokracisë në Maqedoni, përmes konfirmimit të vullnetit të votuesve për ndërlidhjen e tyre me botën perëndimore", thuhet në letër.

Kongresistët amerikanë theksojnë se kontesti për emrin me Greqinë ka qëndruar tejet gjatë në rrugën e integrimeve euroatlantike të cilat do të thonë përfitime për qytetarët e Maqedonisë dhe se është koha që kontestet e këtilla të lihen anash, përmes angazhimit për përparim përfundimtar.

Nëshkruesit e letrës theksojnë se Kongresi i SHBA-së mbetet edhe më tutje i përkushtuar në marrëdhëniet bilaterale mes dy vendeve dhe i inspiruar nga rruga demokratike nëpër të cilin ecin qytetarët e Republikës së Maqedonisë. 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 15.10.2018, 12:15  | Xh.I. | 101 i lexuar

© ZHURNAL.mk

MARKETINGU    |    IMPRESUM    |    KONTAKT    |    ARKIVA
AGJENCIA E LAJMEVE "ZHURNAL"
Fon: 02 3217 815, E-mail: info @ zhurnal.mk
© 2018 Agjencia e lajmeve "ZHURNAL"
Të gjitha të drejtat e përmbajtjes në këtë portal janë të rezervuara. Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.