ZHURNAL.MK ZHURNAL.KS ZHURNAL.AL

 

Sport
Sulmuesi i Chelseat i paralajmëron bashkëlojtarët: Messin s’mund ta ndalni dot

Sulmuesi i Chelseat, Alvaro Morata, i ka paralajmëruar bashkëlojtarët se Lionel Messi do të jetë i pandalshëm në takimin e tyre kundër

screenshot-3_1518518069-5876780.png.jpg

Sulmuesi i Chelseat, Alvaro Morata, i ka paralajmëruar bashkëlojtarët se Lionel Messi do të jetë i pandalshëm në takimin e tyre kundër Barcelonës javën e ardhshme në Ligë të Kampionëve.

“Të kaltrit” do të përballen me pesë herë fituesin e Topit të Artë përsëri kur do të jenë nikoqirë të klubit katalan për ndeshjen e parë të takimit të tyre të 1/8 së finales të Ligës së Kampionëve më 20 shkurt, transmeton Express.

Messi ka kujtime të këqija nga përballja e fundit me Chelsean, pasi e humbi penalltinë kundër tij në gjysmëfinale të vitit 2012, pas të cilës Chelsea kaloi në finale pas rezultatit të përgjithshëm 3-2.

Por, Morata e ka paralajmëruar skuadrën e Antonio Contes se ikona argjentinase është e pandalshme.

“Messi nuk mund ta ndalet dot”, ka thënë ish-sulmuesi i Real Madridit për Moviestar+.

 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 13.02.2018, 13:40  | Xh.I. | 682 i lexuar

 

 

 

VMRO: Me huamarrjet e reja, qeveria varfëron qytetarët

Shkup, 16 tetor - VMRO-DPMNE ka drejtuar kritika të ashpra në drejtim të ekzekutivit për huazimet e reja që po bëhen nga Ministria e Financave.

Nga kjo parti akuzuan qeverinë e udhëhequr nga LSDM, se duke pasuruar bashkëpunëtorët e ngushtë të saj, po e zhyt vendin dhe qytetarët në borxhe të reja me marrjen e huas prej 54 milionë euro. VMRO kërkon ndaljen e menjëhershme të këtyre huazimeve që, siç vlerësuan, shpenzohen në projekte joproduktive.

“Qeveria e LDSM-së i obligon qytetarët me 54 milionë euro të reja, para që do duhet të kthehen nga qytetarët dhe gjeneratat e ardhshme. Pos kësaj, Tevdovski dhe LSDM kanë planifikuar edhe një huamarrje tjetër në javët në vijim prej rreth 37 milionë euro, që do të thotë se huamarrja neto shkon në 17 milionë euro pa llogaritur këtu kamatën. Borxhi i përgjithshëm publik i Republikës së Maqedonisë në fund të kuartalit të dytë të vitit 2018 është 48.8% e PBB-së që paraqet rritje prej 0,6 për qind. Manipulimet e Zaevit dhe Tevdovskit se gjoja po nxjerrin nga borxhi shtetin, nuk kalojnë më tek qytetarët. VMRO-DPMNE kërkon menjëherë të ulen shpenzimet joproduktive dhe huamarrjet e mëdha, ndërsa njëkohësisht të zvogëlohet akciza për karburantet”,- tha zëdhënësi i VMRO-DPMNE-së, Dimçe Arsovski.

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 16.10.2018, 20:29  | Xh.I. | 260 i lexuar

© ZHURNAL.mk

MARKETINGU    |    IMPRESUM    |    KONTAKT    |    ARKIVA
AGJENCIA E LAJMEVE "ZHURNAL"
Fon: 02 3217 815, E-mail: info @ zhurnal.mk
© 2018 Agjencia e lajmeve "ZHURNAL"
Të gjitha të drejtat e përmbajtjes në këtë portal janë të rezervuara. Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.