ZHURNAL.MK ZHURNAL.KS ZHURNAL.AL
« Analizë » Fondet e BE-së për Maqedoninë, një histori papërgjegjshmërie
« INSIDE » Parkingjet - Komunikacioni akoma mbetet hall i madh i qytetarëve

 

Sport
Tahiri krenar që debutoi për Kosovën, pret të bëjë më mirë në garat në vazhdim në LOD 2018
27657910-1903186376420059-7475159533017285427-n_1518515568-5491626.jpg

Skitari kosovar, Albin Tahiri, ka thënë se renditja e tij në disiplinën kombinim alpin në Lojërat Olimpike Dimërore 2018 (LOD) në Pyeongchang nuk a qenë e keqe, pasi zuri vendin e 37-të në garën debutuese të tij në Lojërat Olimpike Dimërorë 2018 në PyeongChang të Koresë Jugore.

Ai ka thënë se ndihet krenar që përfaqëson Kosovën në këto Lojëra.

“Më është realizuar ëndrra që të jem në këto gara”, ka thënë Tahiri.

Tahiri zuri vendin e 37-të nga 65 garues në total në disiplinën kombinim albin në PyeongChang 2018, raporton Express.

Në garën e parë në lëshim, Tahiri arriti kohën 1:23:84, duke zënë vendin e 55-të nga 65 garues në total.

Ndërsa, në sllallom, 28-vjeçari arriti kohën 2:23.40, duke u renditur i 36-ti.

“Kur e pashë që garuesit e tjerë kishin probleme, desha vetëm ta përfundoj garën. Unë e përfundova lëshimin dhe vendi i 36-të [në sllallom] nuk është i keq. Unë arrita të jem në vendin e 36-të nga 65 pjesëmarrës në këtë garë”, tha Tahiri.

Kosovari përfundimisht zuri vendin e 37-të pas dy garave në këtë disiplinë. Gara e tij e radhës është pasnesër.

“Unë pres të kem më pak gabime dhe të dal më mirë”, theksoi ai sot drejtpërdrejt nga PyeongChang i Koresë së Jugut, për emisionin e mëngjesit “Mirëmëngjesi Kosovë”, në Radio Televizionin e Kosovës (RTK).

 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 13.02.2018, 11:08  | Xh.I. | 517 i lexuar

 

© ZHURNAL.mk

MARKETINGU    |    IMPRESUM    |    KONTAKT    |    ARKIVA
AGJENCIA E LAJMEVE "ZHURNAL"
Fon: 02 3217 815, E-mail: info @ zhurnal.mk
© 2018 Agjencia e lajmeve "ZHURNAL"
Të gjitha të drejtat e përmbajtjes në këtë portal janë të rezervuara. Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.
 
<