Zbulohet identiteti i dy alpinistëve të vdekur në malet Greqisë
kronika
Zbulohet identiteti i dy alpinistëve të vdekur në malet Greqisë

Zbulohet identiteti i dy alpinistëve të vdekur në malet Greqisë

Shkup, 12 shkurt - Janë publikuar emrat e dy alpinistëve maqedonas që u gjetën të vdekur në Kajmakcalan, zonë malore në pjesën kufitare mes Maqedonisë dhe Greqisë. Bëhet fjalë për Kalina Velevska (27) dhe Aleksandër Minovski (35).

Mjekët kanë konstatuar se vdekja e tyre ka ardhur si pasojë e të ftohtit. Ata kanë qenë së bashku me një grup prej 50 vetave në rajonin e Agios Atanasios, por pas një kohe janë larguar nga grupi si pasojë e kushteve të këqija klimatike.

Ministria e brendshme njoftoi se janë gjetur edhe gjashtë skiatorët , dy nga të cilët kosovarë dhe katër shtetas të Maqedonisë, që humbën pasditen e djeshme në Kodrën e Diellit. Fatmirësisht mjekët konstatuan se gjendja shëndetësore e alpinistëve është e mirë edhe përkundër qëndrimit të gjatë në temperatura të ftohta.

© ZHURNAL 12.02.2018, 16:03 | Xh.I. | 3,958 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."