Rritet numri i turistëve
ekonomi
Rritet numri i turistëve

Rritet numri i turistëve

Shkup, 12 shkurt - Maqedoninë vitin e kaluar në dhjetor e kanë vizituar 51,599 turistë, të cilët kanë realizuar 103,721 bujtje, që paraqet për 22,6 për qind më shumë turistë dhe për 28 për qind më shumë bujtje në krahasim me muajin e njëjtë të vitit të kaluar.

Sipas të dhënave të Entit Shtetëror të Statistikës, në dhjetor të vitit 2017 numri i turistëve vendas është rritur me 19 për qind, ndërsa i të huajve për 24,7 për qind. Numri i bujtjeve të turistëve vendas është rritur për 29,3 për qind, ndërsa i turistëve të huaj për 27 për qind.

Numri i turistëve në vitin 2017 është rritur për 16,6 për qind në krahasim me vitin 2016, me ç'rast  tek turistët vendas ka rritje për 6,3, ndërsa tek të huajt për 23,5 për qind. Numri i bujtjeve është rritur për 12,8 për qind. Tek turistët vendas ka rritje për 5,2, ndërsa tek të huajt për 22,8 për qind.

© ZHURNAL 12.02.2018, 13:49 | D.J. | 1,668 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."