Kek me portokall
receta
Kek me portokall

Kek me portokall

Le të shfrytëzojmë sezonën e tyre e të gatuajmë një kek të shijshëm me portokaj.

Përbërësit

 

Për brumin:

3 vezë

125 gr gjalpë të shkrirë

2 gota miell

1 gotë qumësht

1 pluhur pjekurinash

1 lugë gjelle ekstrakt vanilje

1 gotë sheqer

2 portokaj 

Glazura:

125 gr sheqer kafe

2 lugë gjelle gjalpë

2 portokaj 

 

Në një tigan shkrijmë 2 lugë të gjellës me gjalpë dhe 125 gr sheqer kafe.

 

Pas karamelizimit, masa shtrohet në tepsinë me përmasa 24 cm. Sipër saj vendosen thelat e portokajve të prerë në rrathë.

 

Brumin për kekun e bëjmë duke miksuar të gjithë përbërësit e mësipërm.

 

Brumi i përgatitur hidhet mbi masën e karamelizuar, që kemi shtruar në fund të tepsisë.

 

Keku i përgatitur kështu piqet në furrën e parangrohur në 180 gradë për 45 minuta.

 

Pas pjekjes, keku kthehet përmbys në një pjatë rrumbullake, duke bërë që pjesa e karamelizuar të ngelet sipër.

 

Dekorohet me sheqer pluhur.

 

Ju bëftë mirë.

© ZHURNAL 10.01.2018, 13:31 | Z.H. | 2,637 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."