Seanca gjyqësore për lëndët “Tarifa”, “Tenderët” dhe “Dhuna në Qendër”
maqedonia
Seanca gjyqësore për lëndët “Tarifa”, “Tenderët” dhe “Dhuna në Qendër”

Seanca gjyqësore për lëndët “Tarifa”, “Tenderët” dhe “Dhuna në Qendër”

Shkup, 6 dhjetor - Në Gjykatën Penale në Shkup për sot janë planifikuar seanca gjyqësore për lëndët e PSP-së “Tenderët”, “Tarifa” dhe për procedurën e veçantë në rastin “Dhuna në Qendër”.

Seanca e kaluar për rastin “Tenderët” ku e akuzuara e parë është ish-ministrja e Kulturës Elizabeta Kançeska-Milevska, u anulua për shkak të gjykatësve që udhëheqin këtë lëndë, pasi të njëjtët kishin gjykim edhe në rastin “Toplik”, 

 

Gjykimi për rastin “Tenderët” është në fazën e dëshmive, ndërsa sipas aktakuzës janë bërë keqpërdorime në tenderin për punime ndërtimore në Muzeun e OBRM-së.

Në rastin “Tarifa” të akuzuar janë ish-drejtori i përgjithshëm i ELEM-it Dejan Boshkovski dhe dy persona tjerë, të cilët dyshohen për blerje joligjore të softverëve sistemik për nevojat e kompanisë, në vlerë prej rreth 4 milionë euro.

 

Kurse në rastin “Dhuna në Qendër” mesin e të akuzuarve janë edhe Nikolla Gruevski, i cili ndodhet në arrati në Hungari, Mile Janakieski dhe Daniella Rangellova.

Në seancat e kaluara fajin për ngjarjet e qershorit të vitit 2013 para Komunës Qendër e kanë pranuar i akuzuari i katërt Tomisllav Llazarov dhe i akuzuari i pestë Jordan Ristevski, të cilët u dënuan me kusht.

© ZHURNAL 06.12.2018, 09:00 | D.J. | 549 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."