Zaev: Me ndryshimet mund të përcaktohet etnia në dokumente
maqedonia
Zaev: Me ndryshimet mund të përcaktohet etnia në dokumente

Zaev: Me ndryshimet mund të përcaktohet etnia në dokumente

Shkup, 6 dhjetor - Me ndryshimet kushtetuese, në dokumentet personale do të mund të përcaktohet edhe përkatësia etnike. Kryeministri Zoran Zaev në debatin publik për ndryshimet kushtetuese theksoi se kjo bëhet me qëllim që të hiqet dilemat rreth përkatësisë kombëtare. Zaev u shpreh i bindur se faza e fundit e ndryshimeve kushtetuese do të kalojë përmes procesit inkluziv dhe se ndryshimet kushtetuese do të miratohen me kompromis parlamentar.

"Do të mbetet shtetësia, por do të ketë grafë edhe për etninë që secili të përcaktohet siç dëshiron. Neve nuk kemi probleme dhe nuk do të kemi në të ardhmen më të drejtën tonë për vetëvendosje dhe vet-përcaktim. Të shohim se çfarë thonë ekspertët. Nëse nuk kanë guximin e nevojshëm, t’i inkurajojmë. Kur ndryshohen dokumentet personale, një grafë të shtohet dhe do të përcaktohem, por mund që të them jo unë dua të jem qytetar i këtij vendi nuk dua të përcaktohem por nëse dua ta kem mundësinë”, tha Zoran Zaev, kryeministër.

Ish ambasadori Nano Ruzhin duke folur për rëndësinë e marrëveshjes së Prespës theksoi se ajo është mundësia e vetme e cila Maqedonisë i garanton anëtarësim në struktura euro-atlantike.

"Unë mbështes publikisht të gjitha mekanizmat legale që i përdor kjo Qeveri me qëllim zgjidhjen e këtij problemi dhe t’i përgjigjemi pyetjes Ku shkojmë? Shkojmë në NATO, në BE, në Ballkan stabil, shkojmë në aleancë me Greqinë, shkojmë në paqe. Aktorët e kësaj marrëveshje meritojnë më shumë se sa një duartrokitje”, pohoi Nano Ruzhin, rektor i universitetit FON.

Debati u fokusua edhe në çështjen e identitetit dhe kulturës. Studentët kërkuan që Marrëveshja  me Bullgarinë dhe Greqinë të futen si dokumente në Preambulë. Debati publik për ndryshimet kushtetuese vazhdon të premten në ASHAM.

© ZHURNAL 06.12.2018, 15:32 | Xh.I. | 4,770 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."

 

Më të lexuar
 
Blerim Reka në vitin 2015 në Kongresin tematik të BDI-së: "Presidenti s'ka kompetenca dhe duhet të jetë konsensual"
ZHURNAL MËSON Gjykatësja e vendimit për BFI-në përfundon në spital!
LAJMI I FUNDIT Policia largon me dhunë kryetarin e vetshpallur nga BFI-ja
Milloshoski: Funksionar i lartë në Kuvend kërkon ndryshime në BFI, Grubi: Kryetarin e BFI-së nuk e vendos gjykata!
Kujt ia drejtoi Shekerinska "ofendimin" ? "Paramendoni me kë u deshtë të ulemi të bisedojmë, ndërsa nuk dëshironim as t’i shihnim"!
Rexhepi-Zejd: Opozita shqiptare ka bërë dy mashtrime politike në zgjedhjet presidenciale
Tërmet dridhë Maqedoninë e Veriut
Ekskluzive Dokumenti në të cilin thirren puçistët është “i falsifikuar”, BFI akuzon Muhamed Zeqirin për skenar
Editorial 79.915 vota, dështim apo sukses për Blerim Rekën, ASH-në e Lëvizjen Besa ?!