ZHURNAL.MK ZHURNAL.KS ZHURNAL.AL

 

Bota
BE strategji të re për Irakun

Këshilli për Marrëdhëniet me Jashtë i BE-së, i cili ka mbledhur së bashku në Bruksel ministrat e jashtëm të vendeve anëtare të BE-së, miratoi një vendim që përcakton strategjinë e re të BE-së për Irakun.

irak-480x270-696x391.jpg

Bashkimi Evropian (BE) ka njoftuar se do të vazhdojë të ofrojë kontribut për ruajtjen e unitetit, integritetit dhe sovranitetit territorial të Irakut, transmeton Anadolu Agency (AA).

Këshilli për Marrëdhëniet me Jashtë i BE-së, i cili ka mbledhur së bashku në Bruksel ministrat e jashtëm të vendeve anëtare të BE-së, miratoi një vendim që përcakton strategjinë e re të BE-së për Irakun.

“BE do të vazhdojë të sigurojë mbështetjen e qëndrueshme që ka dhënë për unitetin, sovranitetin dhe integritetin territorial të Irakut”, thuhet në vendim, duke u theksuar se është marrë në konsideratë struktura multi-fetare dhe etnike e Irakut.

Ndër të tjera, në vendimin ku i bëhet thirrje qeverisë rajonale kurde të Irakut që të vazhdojë dialogun me qeverinë e Irakut, thuhet se vetëm në këtë mënyrë mund të ndërtohet një marrëdhënie stabile dhe e vlefshme për të gjitha palët dhe se mund të zbatohet plotësisht kushtetuta e Irakut.

“DEASH nga pikëpamja ushtarake është mundur, por ende vazhdon të jetë një kërcënim”, thuhet në vendimin ku bëhet e ditur se çështjet ku duhet të përqendrohen janë kryerja e reformave politike dhe ekonomike në rajonet e pastruara nga DEASH-i si dhe të sigurohet rikthimi pa diskriminim i personave që janë zhvendosur nga këto rajone.

Vlerësohet se zgjedhjet e planifikuara për në maj 2018 në Irak janë një mundësi për një shtet më demokratik. BE është gati të japë gjithë mbështetjen e nevojshme në këtë kuadër, thuhet ndër të tjera në vendim.

 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 22.01.2018, 17:50  | T.E. | 1,232 i lexuar

 

 

 

A do të votojë ish ministrja e kulturës ndryshimet Kushtetuese!

Shkup, 16 tetor - Ish ministrja e kulturës Ganka Cvetanova i ka bërë thirrje publike ish-ministres së Kulturës dhe deputete nga VMRO DPMNE, Elizabeta Kançeska Milevska, duke e pyetur se a do të votojë për ndryshimet kushtetuese.

“Publikisht dhe pa mëdyshje pyes ish ministren nëse është e vendosur të votojë ndryshimet kushtetuese! Së paku ajo i ka borxh aq shumë kulturës së Maqedonisë të cilën e ka udhëhequr në 11 vitet e fundit!", ka shkruar nëpërmjet Twitterit, Cvetanova, njofton "Zhurnal".

Ndryshe, Kançeska Milevska nga foltorja u kërkoi krerëve politikë të ulen së bashku dhe përmes dialogut të arrijnë konsensus në vend që me forcë vendosin ndonjë Marrëveshje.

“Pas mbylljes debatit, ne nuk do të votojmë nëse menjëherë do të ndryshojë Kushtetuta, por ne do të vendosim nëse ne mund të bëjmë diçka për Marrëveshjen ose jo", tha deputetja nga VMRO- DPMNE, Elizabeta Kanceska Milevska seancën e sotme parlamentare për ndryshimet kushtetuese.

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 16.10.2018, 21:14  | T.E. | 1.760 i lexuar

© ZHURNAL.mk

MARKETINGU    |    IMPRESUM    |    KONTAKT    |    ARKIVA
AGJENCIA E LAJMEVE "ZHURNAL"
Fon: 02 3217 815, E-mail: info @ zhurnal.mk
© 2018 Agjencia e lajmeve "ZHURNAL"
Të gjitha të drejtat e përmbajtjes në këtë portal janë të rezervuara. Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.