Vrasja e 21-vjeçares, ministrja Gjonaj: Të mbrojmë dhe përkrahim çdo grua
shqiperia
Vrasja e 21-vjeçares, ministrja Gjonaj: Të mbrojmë dhe përkrahim çdo grua

Vrasja e 21-vjeçares, ministrja Gjonaj: Të mbrojmë dhe përkrahim çdo grua

Tiranë, 22 janar - Ministrja e Drejtësisë, Etilda Gjonaj përmes një statusi në “Twitter” ka dënuar vrasjen e një dite më parë në kryeqytet të një 21-vjeçareje nga Fieri, studente në Drejtësi.

Siç bën të ditur policia, paraprakisht dyshohet se shkak për ngjarjen e rëndë ishte kërkesa e 23-vjeçarit për lidhje me studenten 21-vjeçare, e cila e ka refuzuar.
Nisur nga ky fakt ministrja Gjonaj përmes statusit të saj apelon për përkrahje të çdo gruaje që është në situatë dhune.

“Tragjike! Jeta e një vajze u pre në mes nga dora gjakatare e një burri! Ariela Murati, studentja e Fakultetit të Drejtësisë, një tjetër viktimë e dhunës në shoqërinë shqiptare. Të gjithë bashkë, të mbrojmë dhe përkrahim çdo grua në situatë dhune #NdalKrimit #PërqafoJetën”, shkruan ministrja e Drejtësisë, Etilda Gjonaj.

© ZHURNAL 22.01.2018, 13:00 | Xh.I. | 690 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."