Nënpresidenti Pence në Jordani
bota
Nënpresidenti Pence në Jordani

Nënpresidenti Pence në Jordani

Mbreti Abdullah i Jordanisë shprehu shqetësimin e tij lidhur me vendimin e Uashingtonit për të njohur Jerusalemin si kryeqytetin e Izraelit në bisedimet me nënpresidentin amerikan Mike Pence.

 

Mbreti i tha nënpresidentit se zgjidhja e vetme për konfliktin izraelito-palestinez është një zgjidhje dy shtetesh dhe se Jeruzalemi Lindor duhet të jetë kryeqyteti i një shteti të ardhshëm palestinez.

 

Jordania ishte ndalesa e dytë në turneun katër ditor të nënpresidentit në Lindjen e Mesme.

 

Ndalesa e tij e parë ishte Kajro ku u zotua se Shtetet e Bashkuara do të vazhdojnë të mbështesin Egjiptin në betejën e tij kundër terrorizmit.

 

Para se të shkojë në Izrael, zoti Pence do të takohet me trupat amerikane në rajon.

 

Ai do të mbajë një fjalim para Knessetit, parlamentit të Izraelit dhe do të takohet me kryeministrin izraelit Benjamin Netanjahu. Netanjahu tha të dielën në mbledhjen e tij të kabinetit se Pence është "një mik i madh dhe i vërtetë i Izraelit". Kryeministri shtoi se ai mendonte se ishte një "turp" që partia kryesore arabe në Knesset planifikonte të bojkotonte fjalimin e zotit Pence të hënën.

 

Vizita e Pence në Lindjen e Mesme është vizita e nivelit më të lartë nga një zyrtar amerikan në rajon që kur Presidenti Trump e njohu Jeruzalemin si kryeqytetin e Izraelit në dhjetor.

 

Pence nuk pritet të takohet me udhëheqësit palestinezë.

© ZHURNAL 21.01.2018, 15:10 | T.E. | 930 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."