Pragë, dy persona vdesin nga zjarri në një hotel
bota
Pragë, dy persona vdesin nga zjarri në një hotel

Pragë, dy persona vdesin nga zjarri në një hotel

Zëdhënësja e ambulancës në kryeqytetin çek, Jana Postova, ka thënë se dy persona kanë vdekur si shkak i zjarrit gjatë ditës së djeshme në hotelin Eurostars David Hotel.
 
Nacionalitetet e personave të vdekur ende nuk janë bërë të ditura. “Jemi duke trajtuar shtatë persona, tre prej të cilëve janë në gjendje të rëndë”, është cituar të ketë thënë Posotova, sipas AFP. Ajo ka shtuar se 40 persona është dashur të largohen nga hoteli, që gjendet afër Teatrit Kombëtar dhe vetëm disa blloqe larg Lumit Vltava në Pragë.
 
Zyrtarët kanë thënë se korridoret dhe shkallët e hotelit kanë vështirësuar punën. Dy zjarrfikës janë lënduar në korridoret e errëta. Shkaku i zjarrit ende nuk dihet.

© ZHURNAL 21.01.2018, 14:26 | T.E. | 1,197 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."