Mjekët nga Shqipëria largohen, i zëvendësojnë ato nga Maqedonia
Naser Rugova: LDK po tenton ta ndalë idenë e pamatur të Hashim Thaçit
maqedonia
kosova
Mjekët nga Shqipëria largohen, i zëvendësojnë ato nga Maqedonia
Naser Rugova: LDK po tenton ta ndalë idenë e pamatur të Hashim Thaçit

Naser Rugova: LDK po tenton ta ndalë idenë e pamatur të Hashim Thaçit

Nënkryetari i LDK-së, Naser Rugova, ka thënë se ideja për korrigjim të territoreve midis Kosovës dhe Serbisë është një koncept i pamatur.

Ai këto komenti i ka bërë në emisionin Zona B, duke shtuar se kjo ide e ka dëmtuar vendin pasi që sipas tij disa vende e kanë tërhequr njohjen ndaj pavarësisë së Kosovës.

“Në fakt kjo rezolutë e ka një histori më të gjatë. Para dy muajve ne kemi kërkuar një rezolutë së bashku me spektrin opozitar në mënyrë që ta ndalojmë idenë e prekjes së sovranitetit territorial të Kosovës për arsyen e vetme se ne e dimë si kemi ardhur deri këtu”.

“Normalisht që ne opozita jemi kundër një koncepti të tillë i cili është i pamatur. Një ide e tillë e ka ndare spektrin politik brenda Kosovës”.

“Kosova është një dhe e pandashme, prandaj ne duhet ta ruajmë sovranitetin e vendit”.

“Edhe Brukseli edhe ne në raport me Brukselin duhet ta ndërrojmë qasjen”.

“Deri sa ne jemi de-jure në kushtetutën e Serbisë dhe ata nuk na pranojnë si shtet, nuk jemi të barabartë as në mekanizmat e bashkëpunimit”.

“Është problem i mazhorancës se si të gjendet konsensusi i përbashkët. Së pari çështjen e demarkacionit, Kuvendi i Kosovës po ia adreson LDK-së”.

“Pa LDK-në nuk do të mund të arrihen kurrë dy te tretat e votave, sepse ne jemi partia më e madhe opozitare”.

“Ligji për referendum është një çështje që duhet shumë të mendohet”.

“LDK po tenton me ndalë Presidentin e vendit me idetë e tij sepse janë anuluar disa njohje”.

“Ne LDK-ja jemi partia më e madhe. Ne jemi lokomotivë e të gjitha proceseve politike. Në momentin që ne po e lëshojmë Kuvendin, ju po ngeleni pa kuorum. Asnjë platformë nuk bëhet pa ne”.

“Ju e dini sjelljen në New York që është bërë, kanë filluar me na u tërheq njohjet. Kjo logjikë qeverisëse është duke e futur vendin në një rrugë pa krye”.

© ZHURNAL 08.11.2018, 22:22 | T.E. | 4,334 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."

 

Mjekët nga Shqipëria largohen, i zëvendësojnë ato nga Maqedonia

Tiranë, 8 nëntor – “Diplomë në Shqipëri por punësim jashtë vendit”. Kjo është motoja që po ndjekin mjekët e rinj që prej kohës kur diploma e tyre njihet edhe në vendet evropiane.

Nga 240 mjekë të diplomuar këtë vit, më shumë se 100 prej tyre duan të largohen jashtë vendit.

Sipas presidentit të Urdhrit të Mjekut, Fatmir Brahimaj kushtet për të ushtruar më mirë profesionin jashtë vendit janë shkaku pse mjekët e rinj largohen. Megjithatë ai shoi se ka mjekë të huaj që vijnë të punojnë në Shqipëri.

“Kanë kërkuar certifikatën e Sjelljes së Mirë që është një dokument që bën pjesë në praktikën e dokumentacionit kur shkojnë jashtë për tu punësuar apo specializuar. Nuk e di si mund të gjendet një çelës i artë që ta frenojë këtë. Janë regjistruar 35 mjekë të huaj. Kryesisht janë vendet fqinje, italiane, grekë, maqedonas, turq, sirianë”, ka thënë Brahimaj, njofton Oranews.tv.

Largimi i bluzave të bardha nga Shqipëria ka detyruar edhe Ministrinë e Shëndetësisë të marrë masa për frenimin e fenomenit.

Ministrja Manastirliu tha se janë marrë masa me rritjen e pagave, stimujve financiare dhe përmirësimin e kushteve në spitale.

“Buxheti i vitit 2019 do të rrisë pagat me 7% për personelin mjekësor, infermieror. 2.5 milionë lekë plus rrogën janë incentiva që ne i kemi vendosur tashmë dhe i kemi kthyer ne programe”, ka thënë Manastirliu.

Çdo vit nga Shqipëria largohen rreth 150 mjekë ndërsa në Gjermani në vitet e fundit janë punësuar 520 mjekë shqiptarë.

© ZHURNAL 08.10.2018, 22:02 | T.E. | 4,815 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."