ZHURNAL.MK ZHURNAL.KS ZHURNAL.AL

 

Lajme nga Maqedonia
Zbardhen 5 propozimet e OKB për ndryshimin e emrit të Maqedonisë

Ndërmjetësi i OKB Matthew Nimetz mendohet se ka paraqitur 5 propozime në Nju Jork për ndryshimin e emrit të Maqedonisë, gjë që kërkohet nga Greqia

aa_7.jpg

Shkup, 18 janar -  Ndërmjetësi i OKB Matthew Nimetz mendohet se ka paraqitur 5 propozime në Nju Jork për ndryshimin e emrit të Maqedonisë, gjë që kërkohet nga Greqia, shkruan Tv Klan, transmeton Zhurnal.

Sipas shtypit grek, emërtimet e reja janë të gjitha në gjuhën sllave.

Republika Nova Makedonija – Republika e Maqedonisë së Re

Republika Severna Makedonija – Republika e Maqedonisë Veriore

Republika Gorna Makedonija – Maqedonia e Sipërme

Republika Vardarska Makedonija – Republika e Maqedonisë së Vardarit

Republika Makedonija (Shkup) – Republika e Maqedonisë (Shkup)

Këto janë 5 emrat e propozuar nga negociatat mes dy palëve, greke dhe maqedonase. Të gjitha këto propozime kanë emërtimin Maqedoni, gjë që është kundërshtuar nga aleatët në qeveri të Kryeministrit grek Alexis Tsipras.

Në diskutime u përfshi gjithashtu edhe termi që do të përdoret për shtetësinë e qytetarëve të Maqedonisë, nëse do të përdoret emërtimi sllav “makedonska” apo “shtetësia e Republikës së Maqedonisë së Re”.

I dërguari special i Sekretarit të Përgjithshëm të OKB që është angazhuar për këtë çështje, Nimetz ka thënë se përdorimi i termave duhet të jetë i njëjtë dhe do të zbatohet si për organizatat ndërkombëtare ashtu edhe për marrëdhëniet dy palëshe të Maqedonisë. Nuk ishte e qartë nëse Nimetz ka propozuar ndryshim të emrit kushtetues, por shtypi grek shkruan se nuk përjashtohet as mundësia që në Maqedoni të mbahet një referendum për miratimin e emërtimit të ri që do të përzgjidhet.

 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 18.01.2018, 18:03  | D.J. | 16,539 i lexuar

 

 

 

Tortevski: Amnestia duhet të jetë gjithëpërfshirëse, në 10 vitet e fundit mos ketë hetime për kriminelët por edhe ato që sillen të ndershëm

Shkup, 16 tetor – Dreklarata e kryeministrit Zaev në parlament se duhet të fallen politikanët mes vetes përkundër atyre që ka ndodhur më 27 prill në parlament duket se ka ngritur shumë pluhur në opinion.

Avokati Aleksandar Tortevski ka shkruar se kjo amnesti që kryeministri e ka përmendur në parlament në një nga fjalimet e tij duhet të jetë gjithëpërfshirëse.

“Amnestia duhet të jetë gjithëpërfshirëse, të lirohen të gjithë të burgosurit, të ndalohen hetimet penale, të mos funksionojnë gjykatat, prokuroria publike dhe ajo special dhe mos harxhojmë para për ato, në 10 vitet e fundit mos ketë hetime mbi kriminalitetin që të mund të prekin pak edhe ato që janë ndier si të ndershëm deri më tani”, ka shkruar kështu Tortevski.

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 16.10.2018, 23:42  | D.J. | 5.866 i lexuar

© ZHURNAL.mk

MARKETINGU    |    IMPRESUM    |    KONTAKT    |    ARKIVA
AGJENCIA E LAJMEVE "ZHURNAL"
Fon: 02 3217 815, E-mail: info @ zhurnal.mk
© 2018 Agjencia e lajmeve "ZHURNAL"
Të gjitha të drejtat e përmbajtjes në këtë portal janë të rezervuara. Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.