ZHURNAL.MK ZHURNAL.KS ZHURNAL.AL

 

Ekonomi
DAP-i kërkon përsëri TVSH-në nga personat fizik

Drejtoria e të ardhurave publike, ngjashëm si vitin e kaluar, iu imponoi detyrime personave fizik, që kanë realizuar të

dap.jpg

Shkup, 18 janar - Drejtoria e të ardhurave publike, ngjashëm si vitin e kaluar, iu imponoi detyrime personave fizik, që kanë realizuar të ardhura mbi një milion denarë që të regjistrohen si tatimpagues të TVSH-së. Afati i fundit për regjistrimin skadoi tri ditë më parë më 15 janar. Në këtë drejtim vitin e kaluar u bë bujë e madhe nga ekspertët, mbi atë nëse ekziston bazë ligjore për tatimin me TVSH për personat fizik. Në shpjegim, të publikuar në faqen e internetit DAP, thuhet se tatimpaguesit mund të jenë persona fizik dhe juridik që kryejnë veprimtari ekonomike.

"Në Qarkullimin e përgjithshëm të regjistrimit për qëllimet e TVSH-së, hyjnë të ardhurat e realizuara bazuar në kryerjen e veprimtarisë afariste, siç janë veprimtaritë e ekspertëve dhe drejtorët falimentues, të ardhurat nga bujqësia, të ardhurat në bazë të marrëveshjes kontraktuale, të ardhurat e gjeneruara nga dhënia me qira të objektit afarist, të ardhurat nga të drejtat e autorit dhe të drejtave të pronësisë industriale, të ardhurat në bazë të anëtarësimit në bord mbikëqyrës dhe ngjashëm", thuhet në kumtesën e Drejtorisë për të ardhura publike.

Në praktikë kjo do të thotë se çdokush që në bazë të këtyre arsyeve në vitin 2017 ka fituar më shumë se 16,200 euro ka pasur obligim deri më 15 janar të regjistrohet si tatimpagues i TVSH-së. Kështu këtë vit për të ardhurat e realizuara, përveç tatimit mbi të ardhurat personale, do të paguajnë TVSH-në prej 18 ose 5 për qind. Nga DAP kërkuam përgjigje sa persona fizik janë regjistruar si tatimpagues të TVSH-së, dhe nëse do të ketë dënime për ata që nuk e kanë përmbushur detyrimin, por nuk morëm përgjigje. Disa nga ekspertët që i kemi konsultuar thanë se në këtë mënyrë personat fizik vihen në një pozitë të pabarabartë në lidhje me kompanitë, sepse ata do të tatohen dyfish, edhe me tatimin personal edhe me TVSH. Gjithashtu theksuan se Ligji për TVSH askund nuk përcakton se çfarë është veprimtaria afariste. Supozimet janë se kjo është një mënyrë për të mbledhur më shumë para në arkën shtetërore. Sipas ligjit, gjobat për personat fizik që nuk do të regjistrohen si tatimpagues të TVSH-së, shkojnë nga 250 në 375 euro.

 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 18.01.2018, 16:34  | Xh.I. | 2,955 i lexuar

 

 

 

VMRO: Me huamarrjet e reja, qeveria varfëron qytetarët

Shkup, 16 tetor - VMRO-DPMNE ka drejtuar kritika të ashpra në drejtim të ekzekutivit për huazimet e reja që po bëhen nga Ministria e Financave.

Nga kjo parti akuzuan qeverinë e udhëhequr nga LSDM, se duke pasuruar bashkëpunëtorët e ngushtë të saj, po e zhyt vendin dhe qytetarët në borxhe të reja me marrjen e huas prej 54 milionë euro. VMRO kërkon ndaljen e menjëhershme të këtyre huazimeve që, siç vlerësuan, shpenzohen në projekte joproduktive.

“Qeveria e LDSM-së i obligon qytetarët me 54 milionë euro të reja, para që do duhet të kthehen nga qytetarët dhe gjeneratat e ardhshme. Pos kësaj, Tevdovski dhe LSDM kanë planifikuar edhe një huamarrje tjetër në javët në vijim prej rreth 37 milionë euro, që do të thotë se huamarrja neto shkon në 17 milionë euro pa llogaritur këtu kamatën. Borxhi i përgjithshëm publik i Republikës së Maqedonisë në fund të kuartalit të dytë të vitit 2018 është 48.8% e PBB-së që paraqet rritje prej 0,6 për qind. Manipulimet e Zaevit dhe Tevdovskit se gjoja po nxjerrin nga borxhi shtetin, nuk kalojnë më tek qytetarët. VMRO-DPMNE kërkon menjëherë të ulen shpenzimet joproduktive dhe huamarrjet e mëdha, ndërsa njëkohësisht të zvogëlohet akciza për karburantet”,- tha zëdhënësi i VMRO-DPMNE-së, Dimçe Arsovski.

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 16.10.2018, 20:29  | Xh.I. | 216 i lexuar

© ZHURNAL.mk

MARKETINGU    |    IMPRESUM    |    KONTAKT    |    ARKIVA
AGJENCIA E LAJMEVE "ZHURNAL"
Fon: 02 3217 815, E-mail: info @ zhurnal.mk
© 2018 Agjencia e lajmeve "ZHURNAL"
Të gjitha të drejtat e përmbajtjes në këtë portal janë të rezervuara. Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.