ANALISTËT Depolitizim i administratës, proces i gjatë dhe i vështirë
maqedonia
Analistët Depolitizim i administratës, proces i gjatë dhe i vështirë

Analistët Depolitizim i administratës, proces i gjatë dhe i vështirë

Shkup, 15 janar - Administrata shtetërore është e politizuar, stërngarkuar dhe jo profesionale. Nuk arrin tu shërbejë qytetarëve me efikasitetin që parashihet sipas standardeve evropiane. Refomimi i administratës nuk mund të arrihet deri sa lidershipi në Maqedoni të punësuarit në administratë i sheh një si një target grup që i ndihmon  ti fitojnë garat elektorale, thonë analist për Zhurnal.

"Administra shtetërore në Maqedonsë është e stërngarkuar dhe jo profesionale. Ajo nuk arrin tu shërbejë qytetarëve me efikasitetin që parashihet sipas standardeve të BE-së. Refomimi i administratës nuk mund të arrihet deri sa lidershipi në Maqedoni të punësuarit në administratë i sheh një si një target grup që i ndihmon  ti fitojnë garat elektorale", thotë për Zhurnal, Muhamer Pajaziti, jurist i së drejtës evropiane. 

Sipas tij, reformimi i administratës mund të bëhet vetëm me një çmim të lartë për partitë politike, të cilët  duhet të marrin masa për ti larguar nga puna ushtarët e tyre partiak. 

"Ka shumë modele se si mundë të kemi një administratë të pavarur dhe profesinale. Dy modelet më të njohura janë ai i Portugalisë dhe Greqisë. Pastrimi i administratë mund të realizohet nëse vendosim kritere më të ashpra dhe nëse i testojmë aftësitë e të gjithë administratorëve", theksoi Pajaziti.

Nga ana tjetër, analisti Blerim Hyseni vlerëson se si proces depolitizimi i administratës në shtetet e pa pjekura në demokraci shihet si utopike dhe i pa mundur. 

"Si proces depolitizimi i administratës në shtetet e pa pjekura në demokraci shihet si utopike dhe i pa mundur. Por, nëse marrim shembull se si këte çështje e kanë zgjidhur shtetet e Evropës Perëndimore atëherë është i mundur madje edhe i domosdoshëm, sa më herët që të fillohet me këtë proces aq më efikasë do të jetë administrata por edhe më e shëndoshë demokracia. Vleresoj që herët apo vonë ky proces do të fillojë edhe në Maqedoni por që do të jetë proces i gjatë dhe i vështirë, prandaj ka nevojë për konsenzus më të gjërë politik por edhe vullnet për ti hyrë këtij procesi", kështu vlerëson për Zhurnal, Blerim Hyseni, analist. 

Ai thotë se Maqedonia nuk ka qenë dhe nuk është imune nga politizimi i administratës edhe ose ka specifikat e veta por mendoj që poqëse ka vullnet është proces i mundur sado që do të jetë i rëndë në zbatim.

© ZHURNAL 15.01.2018, 23:00 | D.J. | 3,177 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."