ZHURNAL.MK ZHURNAL.KS ZHURNAL.AL

 

Kulturë
Milionat e fundit për këngëtarët

Që nga viti 2013, kur nisi subvencioni i muzikës nga buxheti i shtetit janë financuar 321 krijime, shumica e të cilave thuajse që nuk është transmetuar në ekrane

21.30-AKTUALE-Shpallen-fituesit-e-konkursit-tw-RTVM-750x430.jpg

Shkup, 13 janar - Konkurset për interpretues e autorë të shpallura nga RTVM sipas Ligjit për mbështetjen e produksioneve muzikore vendase supozohet se do të jenë të fundit, për shkak të kërkesës së Ministrisë së Kulturës për shfuqizimin e ligjit që mundëson subvencionimin e muzikës së lehtë dhe popullore.

Që nga viti 2013, kur nisi subvencioni i muzikës nga buxheti i shtetit janë financuar 321 krijime, shumica e të cilave thuajse që nuk është transmetuar në ekrane.

“As unë as ti”, “Fati im”, “Ti, më prit”…, janë disa prej titujve të këngëve që do të subvencionohen nga shteti, të shpallura fituese në konkursin më të fundit të Radiotelevizionit të Maqedonisë, shkruan gazeta KOHA. Në total janë 200 kompozime, mes të cilave edhe këto shqiptare, që u përzgjodhën gjatë tre konkurseve të zhvilluara vitin e kaluar, të ndara sipas disa kategorive të ndryshme.

Kompozime me muzikë popullore dhe të lehtë nga emra të njohur dhe aspak të njohur për publikun, por edhe të tillë që prej vitesh nuk kanë performuar kanë qenë përzgjedhjet e bëra gjatë konkurseve për financimin e muzikës maqedonase. Në shpalljen e publikuar nga Radiotelevizion i Maqedonisë ndër të tjera thuhet se sipas Ligjit për financimin e produksioneve të muzikës vendase të lehtë dhe popullore dhe më qëllim nxitjen e zhvillimit të muzikës RTVM çdo vit do të financojë 200 kompozime të reja. Konkurset për interpretues e autorë të shpallura nga RTVM sipas Ligjit për mbështetjen e produksioneve muzikore vendase supozohet se do të jenë të fundit, për shkak të kërkesës së Ministrisë së Kulturës për shfuqizimin e ligjit që mundëson subvencionimin e muzikës së lehtë dhe popullore. Sipas këtij institucioni ky ligj nuk ka dhënë efekte pozitive.

“Në praktikë nuk i ka dhënë rezultatet e pritshme, para së gjithash se edhe pse për kompozimet e zgjedhura dhe produksionit e tyre ka evidencë, ato ose nuk janë emituar fare, ose janë transmetuar shumë pak në radio dhe televizione”, kanë deklaruar nga Ministria e Kulturës.

Kritikat po ashtu lidhen edhe me koston financiare të këtij projekti të qeverisë, për shembull në kategorinë Yjet artistët marrin me nga 4.500 euro, prej të cilave 1500 euro jepen për realizimin e spotit. Ligji hyri në fuqi në vitin 2014 (me afat deri në vitin 2023) dhe që atëherë nga buxheti i shtetit janë planifikuar të shpenzohen dy milionë euro. Në konkursin e tretë dhe të fundit fitues u shpallën 38 kompozime, mes të cilëve Dario Pankovski, Princ, Avni Aliji, e të tjerë, të cilët kanë konkurruar në kategoritë – Yje, Talente, Interpretues i afirmuar, Interpretues i dalluar, Interpretues i lartë, kompozime që afirmojnë vlerat e familjes dhe shoqërisë, historinë e Maqedonisë, e të tjera.

Shumat më të mëdha janë ndarë për kompozimet në kategorinë Yjet, deri në 4.500 euro. Për realizimin e këtij konkursi çdo vit mesatarisht shpenzohen mbi 500 mijë euro, ndërsa numri i kompozimeve të financuara është 321 në total me një kosto prej afro 900 mijë euro. “Duke pasur parasysh se kompozimet audio dhe video nuk kanë qenë të aksesueshme mjaftueshëm për publikun më të gjerë shtrohet çështja për justifikimin e kësaj mënyre të financimit për krijimin e kompozimeve të reja në sferën e muzikës së lehtë dhe popullore me paratë e buxhetit të shtetit”, shkruhet në dokumentin e Ministrisë së Kulturës që propozon anulimin e subvencionimit të muzikës.

 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 13.01.2018, 13:22  | T.E. | 1,294 i lexuar

 

 

 

VMRO: Me huamarrjet e reja, qeveria varfëron qytetarët

Shkup, 16 tetor - VMRO-DPMNE ka drejtuar kritika të ashpra në drejtim të ekzekutivit për huazimet e reja që po bëhen nga Ministria e Financave.

Nga kjo parti akuzuan qeverinë e udhëhequr nga LSDM, se duke pasuruar bashkëpunëtorët e ngushtë të saj, po e zhyt vendin dhe qytetarët në borxhe të reja me marrjen e huas prej 54 milionë euro. VMRO kërkon ndaljen e menjëhershme të këtyre huazimeve që, siç vlerësuan, shpenzohen në projekte joproduktive.

“Qeveria e LDSM-së i obligon qytetarët me 54 milionë euro të reja, para që do duhet të kthehen nga qytetarët dhe gjeneratat e ardhshme. Pos kësaj, Tevdovski dhe LSDM kanë planifikuar edhe një huamarrje tjetër në javët në vijim prej rreth 37 milionë euro, që do të thotë se huamarrja neto shkon në 17 milionë euro pa llogaritur këtu kamatën. Borxhi i përgjithshëm publik i Republikës së Maqedonisë në fund të kuartalit të dytë të vitit 2018 është 48.8% e PBB-së që paraqet rritje prej 0,6 për qind. Manipulimet e Zaevit dhe Tevdovskit se gjoja po nxjerrin nga borxhi shtetin, nuk kalojnë më tek qytetarët. VMRO-DPMNE kërkon menjëherë të ulen shpenzimet joproduktive dhe huamarrjet e mëdha, ndërsa njëkohësisht të zvogëlohet akciza për karburantet”,- tha zëdhënësi i VMRO-DPMNE-së, Dimçe Arsovski.

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 16.10.2018, 20:29  | T.E. | 275 i lexuar

© ZHURNAL.mk

MARKETINGU    |    IMPRESUM    |    KONTAKT    |    ARKIVA
AGJENCIA E LAJMEVE "ZHURNAL"
Fon: 02 3217 815, E-mail: info @ zhurnal.mk
© 2018 Agjencia e lajmeve "ZHURNAL"
Të gjitha të drejtat e përmbajtjes në këtë portal janë të rezervuara. Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.