Parashikimi i motit, këtë të premte temperaturat bien sërish
shqiperia
Parashikimi i motit, këtë të premte temperaturat bien sërish

Parashikimi i motit, këtë të premte temperaturat bien sërish

Tiranë, 12 janar - Pavarësisht se në orët e para të paradites në Shqipëri do të mbizotërojë moti i kthjellët me pak vranësira, pritet që situata të ndryshojë në orët e drekës e më pas pasditesh e darkës.

Pasditja vijon në kushtet e vranësirave të shpeshta në të gjithë territorin ndërsa reshje të pakta e të përkohshme, priten kryesisht në zonat Lindore. Vranësira të shpeshta do të ketë gjatë natës në territor duke rrezikuar zonat Lindore nga reshje të izoluara e të pakta dëbore.

Sipas MeteoAlb, temperaturat e ajrit do pësojnë një rënie me 2°C në vlerat e mëngjesit por mesdita sjell rënie të lehtë të vlerave termike në Veri-Verilindje ndërsa mbeten thuajse konstante temperaturat e mesditës në pjesën më të madhe të vendit.

Era do të fryjë e lehtë dhe mesatare me shpejtësi deri 30 km/h nga drejtimi Juglindor duke gjeneruar në det dallgëzim 2 ballë.

© ZHURNAL 12.01.2018, 09:20 | Xh.I. | 1,112 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."