Fajon: Integrim në BE, ose Ballkani merr drejtim tjetër
maqedonia
Fajon: Integrim në BE, ose Ballkani merr drejtim tjetër

Fajon: Integrim në BE, ose Ballkani merr drejtim tjetër

Shkup, 12 janar - Nëse udhëheqësit europianë nuk do të mbajnë premtimet për Ballkanin, rajoni mund të marrë një drejtim tjetër. Kështu shprehet eurodeputetja Tania Fajon, në një intervistë për “Euronews”.

Ndërsa Bullgaria merr presidencën e radhës së BE-së, ish-rapotuesja për liberalizimin e vizave për Shqipërinë bën thirrje për t’iu mundësuar qytetarëve të rajonit një jetë më të mirë, për t’iu dhënë perspektivë të rinjve e për të hapur kufijtë.

Në të kundërt, paralajmëron ajo, Ballkani Perëndimor do ta humbasë durimin.

“Nëse udhëheqësit europianë nuk do të jenë të vetëdijshëm për atë që është në lojë dhe nëse nuk e mbajnë premtimin për zgjerimin, ne do ta humbasim shumë shpejt rajonin, që do të bjerë në paqëndrueshmëri ekonomike dhe politike. Ne shohim diku rritje të nacionalizmit dhe humbje të brezit të ri”, tha Tanja Fajon, eurodeputete.

Bullgaria do të organizojë një samit informal të vendeve të Ballkanit Perëndimor më 17 maj.

© ZHURNAL 12.01.2018, 18:41 | D.J. | 3,642 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."