Parlamenti Studentor: Presidenti Ivanov t'i vë veto ligjit për gjuhët
maqedonia
Parlamenti Studentor: Presidenti Ivanov t'i vë veto ligjit për gjuhët

Parlamenti Studentor: Presidenti Ivanov t'i vë veto ligjit për gjuhët

Shkup, 12 Janar - Parlamenti Studentor i Universitetit Shën “Kirili dhe Metodi” sot me një letër publike, në të cilën thonë se i drejtohen studentëve, përfaqësuesve të legjislativit dhe të gjithë opinionit publik, ku kërkojnë urgjenisht tërheqjen e Ligjit për përdorimin e gjuhëve, transmeton Zhurnal.

“Ndjejmë përgjegjësi të dërgojmë letër publike në lidhje me votimin e Ligjit për përdorimin e gjuhëve sepse e drejta jonë e zërit indirekt, i mundësuar përmes deputetëve si përfaqësues të cilët duheshin që të mbrojnë interesat tona, është cënuar” thonë nga ”PSSKM”.

Gjithashtu thrasin deputetët e popullit të sjellin ligje në pajtueshmëri me Kushtetutën dhe shtojnë se  qeverisja e së drejtës duhet të jetë epiteti kryesor i punës, kurse jo si thonë, në mënyrë kontrabanduese me flamurin e Unionit Europian të sillen ligje anti Europiane të cilat e rrënojnë harmoninë ndëretnike, e suspendojnë Kushtetutën dhe i rrënojnë tiparet themelore të shtetit.

Nga Parlamenti studentor potencojnë se mbështesin qëndrimet dhe argumentet e profesoreshave universitare, Gordana Siljanovska, Katica Qulafkova, dhe Simona Gruevska- Maxhovska.

“Ky ligj nuk ka lidhje me Euro-Integrimin e Republikës së Maqedonisë. Ky ligj nuk është prioritet. Ky ligj nuk është pjesë e Marrëveshjes së Ohrit, dhe as që është në frymën e saj. Ky ligj nuk është konkretizim i amandamentit të 5 të Kushtetutës së Republikës së Maqedonisë”.

Nga ky Parlament Studentor pranë Universitetit Shën “Kirili dhe Metodi” e ftojnë presidentin e Republikës së Maqedonisë, Gjorgje Ivanov, në emër të funksionit të tij si president i këtij shteti, por edhe si profesor i respektuar në Fakultetin Juridik të Shën Kirilit dhe Metodit, që ti mbronë dhe ruan interesat nacionale dhe sovranitetin e Republikës së Maqedonisë, dhe ta përdor të drejtën e vetos për këtë ligj.

© ZHURNAL 12.01.2018, 15:05 | I.XH | 1,449 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."