ZHURNAL.MK ZHURNAL.KS ZHURNAL.AL

 

Lajme nga Maqedonia
Parlamenti Studentor: Presidenti Ivanov t`i vë veto ligjit për gjuhët

Parlamenti Studentor i Universitetit Shën “Kirili dhe Metodi” sot me një letër publike, në të cilën thonë se i drejtohen studentëve, përfaqësuesve të legjislativit dhe të gjithë opinionit publik, ku kërkojnë urgjenisht tërheqjen e Ligjit për përdorimin e gjuhëve, transm

flesh_mk_studenti.jpg

Shkup, 12 Janar - Parlamenti Studentor i Universitetit Shën “Kirili dhe Metodi” sot me një letër publike, në të cilën thonë se i drejtohen studentëve, përfaqësuesve të legjislativit dhe të gjithë opinionit publik, ku kërkojnë urgjenisht tërheqjen e Ligjit për përdorimin e gjuhëve, transmeton Zhurnal.

“Ndjejmë përgjegjësi të dërgojmë letër publike në lidhje me votimin e Ligjit për përdorimin e gjuhëve sepse e drejta jonë e zërit indirekt, i mundësuar përmes deputetëve si përfaqësues të cilët duheshin që të mbrojnë interesat tona, është cënuar” thonë nga ”PSSKM”.

Gjithashtu thrasin deputetët e popullit të sjellin ligje në pajtueshmëri me Kushtetutën dhe shtojnë se  qeverisja e së drejtës duhet të jetë epiteti kryesor i punës, kurse jo si thonë, në mënyrë kontrabanduese me flamurin e Unionit Europian të sillen ligje anti Europiane të cilat e rrënojnë harmoninë ndëretnike, e suspendojnë Kushtetutën dhe i rrënojnë tiparet themelore të shtetit.

Nga Parlamenti studentor potencojnë se mbështesin qëndrimet dhe argumentet e profesoreshave universitare, Gordana Siljanovska, Katica Qulafkova, dhe Simona Gruevska- Maxhovska.

“Ky ligj nuk ka lidhje me Euro-Integrimin e Republikës së Maqedonisë. Ky ligj nuk është prioritet. Ky ligj nuk është pjesë e Marrëveshjes së Ohrit, dhe as që është në frymën e saj. Ky ligj nuk është konkretizim i amandamentit të 5 të Kushtetutës së Republikës së Maqedonisë”.

Nga ky Parlament Studentor pranë Universitetit Shën “Kirili dhe Metodi” e ftojnë presidentin e Republikës së Maqedonisë, Gjorgje Ivanov, në emër të funksionit të tij si president i këtij shteti, por edhe si profesor i respektuar në Fakultetin Juridik të Shën Kirilit dhe Metodit, që ti mbronë dhe ruan interesat nacionale dhe sovranitetin e Republikës së Maqedonisë, dhe ta përdor të drejtën e vetos për këtë ligj.

 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 12.01.2018, 15:05  | I.XH | 1,447 i lexuar

 

 

 

Në Ditën e Shkopit të Bardhë, kryetari Taravari në vizitë te Shoqata e të verbërve “Realiteti”

Gostivar, 15 tetor - Në Ditën ndërkombëtare të personave të verbër, kryetrari i komunës së Gostivarit, Arben Taravari vizitoi zyrën e Shoqatës së personave të verbër dhe me shikim të dëmtuar “Realiteti” – Gostivar.

“Sot është 15 Tetori, dita botërore e personave të verbër, që njihet si Dita e shkopit të bardhë, andaj e përzgjodhëm pikërisht këtë ditë për të bashkëbiseduar dhe për tu njohur me hallet dhe nevojat anëtarëve të kësaj  shoqate. Më informuan se janë të ftuar në garat në ‘Gold ball' në Sarajevë. Me këtë rast ne si Komunë i mbështesim për udhëtimin dhe qëndrimin atje, si dhe urojmë që të shënojnë sa më shumë fitore. Po ashtu do tua plotësojmë edhe një kërkesë, respektivisht nevojë, do t’ua rinovojmë mjediset e Shoqatës së shpejti, menjëherë  pas përfundimit të tenderit” – theksoi kryetari Taravari.

Kryetari i shoqatës Realiteti , Xhevat Fejzuli, shprehu kënaqësinë për vizitën e dytë të kryetarit Taravari, si dhe shprehu falënderime për përkrahjen e vazhdueshme.
“Shoqata jonë numëron 62 anëtarë. Falënderojmë kryetarin që na mundëson pjesëmarrjen në garat në Sarajevë dhe uroj dhe shpresoj se do të shënojmë rezultate të kënaqshme.”, u shpreh kryetari Fejzuli.

Komuna e Gostivarit për anëtarët e shoqatës Realiteti, siguroi fanella me logon e komunës, të cilat do t’i shfrytëzojnë për pjesëmarrje në garat në Sarajevë.

Vlen të theksohet edhe se prej sot, një zyrë në objektin e NP” Komunalec”,  iu dorëzua në shfrytëzim Shoqatës për personat me nevoja të posaçme “Bashkërisht Mundemi “.

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 15.10.2018, 23:04  | I.XH | 2.315 i lexuar

© ZHURNAL.mk

MARKETINGU    |    IMPRESUM    |    KONTAKT    |    ARKIVA
AGJENCIA E LAJMEVE "ZHURNAL"
Fon: 02 3217 815, E-mail: info @ zhurnal.mk
© 2018 Agjencia e lajmeve "ZHURNAL"
Të gjitha të drejtat e përmbajtjes në këtë portal janë të rezervuara. Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.