ZHURNAL.MK ZHURNAL.KS ZHURNAL.AL

 

Ekonomi
Maqedonia dhe Wizzair do t`i publikojë planet për këtë vit

Koncesionari i aeroportit të Maqedonisë TAV Maqedoni dhe kompania ajrore me buxhet të ulët "Vizer" sot do t`i prezantojnë rezultatet e arritura në vitin e kaluar dhe planet për këtë vit. Marrëveshja e Qeverisë së Maqedonisë me kompaninë "Vizer" e cila merr subvencione

133526955.jpg

Shkup, 11 janar - Koncesionari i aeroportit të Maqedonisë TAV Maqedoni dhe kompania ajrore me buxhet të ulët "Vizer" sot do t'i prezantojnë rezultatet e arritura në vitin e kaluar dhe planet për këtë vit.

Marrëveshja e Qeverisë së Maqedonisë me kompaninë "Vizer" e cila merr subvencione nga vendi, skadon në qershor të këtij viti, ndërsa përkrahja financiare e vendit për kompanitë ajrore me buxhet të ulët  të cilat do të ofrojnë destinacione të reja për qytetarët e Maqedonisë përmes çmimeve më të ulëta të biletave të aeroplanëve, sipas ministrit dikasterial, Goran Sugareski, do të vazhdojë edhe në periudhën e ardhshme.

Ministria e Transportit dhe Lidhjeve, siç paralajmëroi paraprakisht Sugareski, planifikon që të publikojë thirrje publike në të cilën do të mund të paraqiten të gjitha kompanitë ajrore me buxhet të ulët. Në vijim është përpilimi i strategjisë për mënyrën e fillimit të procedurës  në drejtim të mënyrës së financimit.

Nga TAV Maqedoni për MIA-n thonë se i përkrahin të gjitha iniciativat e Qeverisë dhe të transportuesve ajrorë që i përkrahin rritjen dhe zhvillimin e qarkullimit ajror në vend. 

Sipas të dhënave që i publikoi TAV Maqedoni kompania ajrore "Vizer" vjet ka transportuar numrin më të madh të udhëtarëve nga aeroportet e Maqedonisë dhe ka 59 për qind pjesëmarrje në treg. 

Përmes aeroporteve të Shkupit dhe të Ohrit vjet kanë udhëtuar 2.027.344 udhëtarë, që paraqet rritje prej 13 për qind në krahasim me vitin 2016. Numri i përgjithshëm i fluturimeve në të dy aeroportet, në Shkup dhe në Ohër, vjet është rritur për shtatë për qind dhe arriti 18.130.

 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 11.01.2018, 09:16  | Z.H. | 3,384 i lexuar

 

 

 

Në Ditën e Shkopit të Bardhë, kryetari Taravari në vizitë te Shoqata e të verbërve “Realiteti”

Gostivar, 15 tetor - Në Ditën ndërkombëtare të personave të verbër, kryetrari i komunës së Gostivarit, Arben Taravari vizitoi zyrën e Shoqatës së personave të verbër dhe me shikim të dëmtuar “Realiteti” – Gostivar.

“Sot është 15 Tetori, dita botërore e personave të verbër, që njihet si Dita e shkopit të bardhë, andaj e përzgjodhëm pikërisht këtë ditë për të bashkëbiseduar dhe për tu njohur me hallet dhe nevojat anëtarëve të kësaj  shoqate. Më informuan se janë të ftuar në garat në ‘Gold ball' në Sarajevë. Me këtë rast ne si Komunë i mbështesim për udhëtimin dhe qëndrimin atje, si dhe urojmë që të shënojnë sa më shumë fitore. Po ashtu do tua plotësojmë edhe një kërkesë, respektivisht nevojë, do t’ua rinovojmë mjediset e Shoqatës së shpejti, menjëherë  pas përfundimit të tenderit” – theksoi kryetari Taravari.

Kryetari i shoqatës Realiteti , Xhevat Fejzuli, shprehu kënaqësinë për vizitën e dytë të kryetarit Taravari, si dhe shprehu falënderime për përkrahjen e vazhdueshme.
“Shoqata jonë numëron 62 anëtarë. Falënderojmë kryetarin që na mundëson pjesëmarrjen në garat në Sarajevë dhe uroj dhe shpresoj se do të shënojmë rezultate të kënaqshme.”, u shpreh kryetari Fejzuli.

Komuna e Gostivarit për anëtarët e shoqatës Realiteti, siguroi fanella me logon e komunës, të cilat do t’i shfrytëzojnë për pjesëmarrje në garat në Sarajevë.

Vlen të theksohet edhe se prej sot, një zyrë në objektin e NP” Komunalec”,  iu dorëzua në shfrytëzim Shoqatës për personat me nevoja të posaçme “Bashkërisht Mundemi “.

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 15.10.2018, 23:04  | Z.H. | 2.172 i lexuar

© ZHURNAL.mk

MARKETINGU    |    IMPRESUM    |    KONTAKT    |    ARKIVA
AGJENCIA E LAJMEVE "ZHURNAL"
Fon: 02 3217 815, E-mail: info @ zhurnal.mk
© 2018 Agjencia e lajmeve "ZHURNAL"
Të gjitha të drejtat e përmbajtjes në këtë portal janë të rezervuara. Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.