Pesë artistë të shpërblyer për "Formati i vogël 2017" i SHAFM-së
kulture
Pesë artistë të shpërblyer për "Formati i vogël 2017" i SHAFM-së

Pesë artistë të shpërblyer për "Formati i vogël 2017" i SHAFM-së

Shkup, 11 janar - Në Qendrën Informative Kulturore deri më 20 janar do të jetë e hapur ekspozita vjetore "Formati i vogël 2017" e Shoqatës së Artistëve Figurativë të Maqedonisë - SHAFM. Në ekspozitë marrin pjesë 54 autorë- anëtarë të SHAFM nga mbarë Maqedonia me më shumë se 100 vepra të punuara me teknika të ndryshme artistike.

SHAFM dhe QIK edhe këtë vit i ndanë mirënjohjet në këtë manifestim republikan të artit figurativ. Çmimi për pikturë i është ndarë Dragan Vetrovskit - Alpi, Agron Abdullai e fitoi çmimin për grafikë, çmimin "Konstatin Mazev-Koce" i është ndarë Silvana Antasatosovskës, "Vangel Koxhoman" Zhaklina Gligorevska-Koçoskës dhe çmimi "Adem Kastrati" artistit Burhan Ahemti.

 

Мал формат 2

 

Ekspozita e sivjetme i është kushtuar formatit të vogël i cili, sipas SHAFM, është sfidë krijimtarie dhe praktikë e shpeshtë ditore e piktorëve dhe skulptorëve në plastikën e imtë.

"Magjia e katrorit të vogël në sipërfaqe prej 25x25 ende paraqet joshje edhe për mjeshtërit më të mëdhenj të furçës dhe ngjyrës", thonë nga SHAFM, organizatorë të kësaj ekspozite vjetore.

© ZHURNAL 11.01.2018, 11:48 | Xh.I. | 1,550 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."