ZHURNAL.MK ZHURNAL.KS ZHURNAL.AL

 

Lajme nga Maqedonia
Pavlopulos: Revizion kushtetues për nëtarësim në NATO dhe BE

Athinë, 11 tetor - Vetëm pasi të përfundojë revizioni kushtetues që do t'i përmbajë të gjitha garancat, atëherë Marrëveshja do të vijë për ratifikim në parlamentin grek, ndërsa vendi fqinj do të mund të marë ftesë për anëtarësim në NATO dhe të fillojë negociata inkuadruese me BE-në, tha presidenti grek Prokopis Pavlopulos gjatë takimit të sotëm me kolegun e tij gjerman, Frank-Valter Shtajnmajer.

Siç lajmëroi korrespondentja e MIA-s nga Athina, Pavlopulos në deklaratë, i përmendi edhe të ashtuquajturat çështje nacionale greke, e mes tyre edhe marrëdhëniet mes Maqedonisë dhe Greqisë.

Tha se Athina synon drejt marrëdhënieve miqësore dhe të mira fqinjësore dhe "në praktikë tregon se e mbështetë perspektivën në NATO dhe Bashkimin Evropian". Por, shtoi se lidhur me këtë ekziston një parakusht i rëndësishëm.

"Zgjidhja e çështjes me emrin në pajtim me historinë dhe të drejtën ndërkombëtare. Që të ndodhë kjo, siç e thamë qartë është edhe pozicioni i pranuar edhe nga BE-ja edhe nga NATO-ja, duhet që vendi fqinj t'i bëjë ndryshimet e domosdoshme në rendin e vet juridik, e para së gjithash në Kushtetuën e vet. Sipas kësaj, presim ta përmbushë këtë. Vetëm kur përfundimisht të prëfundojë i tërë ky proces dhe sapo të konfirmohet se revizioni kushtetues i përmban të gjitha garancat për të cilat fola paraprakisht, atëherë do të mund të ekzistojë ftesa për anëtarësim në NATO, si dhe çfarëdo lloj fillimi i bisedimeve, lidhur me procesin inkuadrues të IRJM-së në Bashkimin Evropian. Gjithashtu, vetëm atëherë do të mund të finalizohet edhe përmbajtja e Marrëveshjes mes  Greqisë dhe IRJM-së dhe të vijë deri te ratifikimi në parlamentin grek", tha Pavlopulos gjatë takimit me kolegun e tij gjerman në pallatin presidencial në Athinë.

Presidenti gjerman Shtajnmajer u përqendrua në marrëdhëniet gjermano-greke, në rikuperimin ekonomik të Greqisë, në problemin e refugjatëve, si dhe në eurozgjedhjet e ardhshme.

Kjo është vizita e dytë e Shtajnmajerit në Greqi në 18 muajt e fundit, ndërkaq përveç me nikoqirin e tij, pavlopulos, presidenti gjerman u takua edhe me kryeminsitrin grek, Aleksis Cipras. 

 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 11.10.2018, 14:35  | D.J. | 601 i lexuar

 

 

 

Konfirmohet mbështetja nga Mbretëria e Bashkuar për Marrëveshjen e Prespës

Shkup, 22 tetor - Ambasadorja britanike Rejçel Gallouej në takimin e sotëm me kryeministrin Zoran Zaev, e përshëndeti vendimin e Kuvendit të Maqedonisë në mbështetje të Marrëveshjes së Prespës, duke e vlerësuar si një hap të rëndësishëm përpara në integrimet euroatlantike të Republikës së Maqedonisë.

Siç kumtoi pres qendra qeveritare, të dy gjatë takimit kanë konstatuar se shumica prej dy të tretave në Kuvend për Propozimin për ndryshimet kushtetuese dëshmoi se është e mundur që deputetët e pozitës dhe të opozitës të punojnë së bashku kur bëhet fjalë për çështje kyçe për qytetarët dhe për shtetin, siç janë integrimet dhe reformat. Bashkëbiseduesit kanë shprehur mbështetje për të përforcuar konsensusin në Kuvend për çështje me interes shtetëror.

“Do të vazhdojmë në një atmosferë pozitive, nëpërmjet konstruktivitetit dhe përfshirjes, me deputetët në Kuvend, të punojmë në projekt amendamentet kushtetuese. Vërejtjet e deputetëve të opozitës të cilët dhanë mbështetje në procesin e integrimit euroatlantik të Maqedonisë, në lidhje me përmbajtjen e amendamenteve, janë në frymën e Marrëveshjes së Prespës”, tha kryeministri Zaev, qëndron në kumtesë.

Kryetari i Qeverisë, Zoran Zaev, shtohet, në lidhje me reformat ka njoftuar se fokusi është në fazën e dytë të reformave gjyqësore, ligjet kundër korrupsionit, reformat në DZK, në administratën publike.

Ambasadorja Gallouej njoftoi se Mbretëria e Bashkuar në mënyrë aktive e ndjek situatën politike në Maqedoni dhe se jep mbështetje parimore për pajtim, që është e rëndësishme për integrimin e Maqedonisë, dhe me atë edhe për stabilitetin e gjithë rajonit, qëndron në kumtesë.

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 22.10.2018, 16:19  | D.J. | 2.829 i lexuar

© ZHURNAL.mk

MARKETINGU    |    IMPRESUM    |    KONTAKT    |    ARKIVA
AGJENCIA E LAJMEVE "ZHURNAL"
Fon: 02 3217 815, E-mail: info @ zhurnal.mk
© 2018 Agjencia e lajmeve "ZHURNAL"
Të gjitha të drejtat e përmbajtjes në këtë portal janë të rezervuara. Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.