Zaev: Modeli për të ardhmen fillon me respektimin e të gjithëve
Anëtarësimi i shpejt i Serbisë në BE, "cunami" për Maqedoninë dhe rajonin
Flamuri i Kosovës me emër të Greqisë, kështu mësojnë nxënësit shqiptarë në Maqedoni
Brukseli me kritikat e para për qeverinë e re
Investitorët e huaj kanë marrë 225 milionë euro ndihmë shtetërore
inst_5.jpg

Shkup, 13 shtator- Mbi 225 milionë euro nga buxheti i shtetit janë shpenzuar për hyrjen e 25 kompanive të investuesve të huaj të cilët kanë punësuar 20.000 persona.

Kjo do të thotë se Qeveria e mëparshme ka shpenzuar nga buxheti mesatarisht nga 11 mijë euro për një vend pune, publikoi sot Qeveria e re e Republikës së Maqedonisë.

Zëdhënësi i Qeverisë Mile Boshnjakovski në konferencë për shtyp theksoi se shumica e këtyre vendeve të punës nuk kanë qenë të punësuar të rinj, por kanë qenë punëtorë të ndërmarrë nga ekonomia e Maqedonisë.

"Ky është rezultati i përmbledhur nga deklasifikimi i marrëveshjeve të lidhura në rreth të mbyllur dhe të cilat kanë qenë të mbyllura për opinionin. Marrëveshje me të cilat është injoruar ekonomia e Maqedonisë. Dëshirojmë të sqarojmë se nuk ka ekzistuar dokument apo udhëzues me kritere të qarta për negocim apo, të paktën, ne nuk e gjetëm. Kritere nuk kanë ekzistuar. Kanë negocuar ministra, këshilltarë, Qeveria e Nikolla Gruevskit i ka klasifikuar marrëveshjet, gjegjësisht e ka siguruar fshehtësinë e tyre", theksoi Boshnjakovski.

Ai tha se të gjitha ato marrëveshje ende kanë vlefshmëri dhe se Qeveria do t'i përmbushë në tërësi të gjitha obligimet ndaj të gjithë investuesve të huaj.

Agjencia për Investime të Huaja, Zonat Zhvillimore Teknologjike-Industriale dhe ministrat pa portofol në Qeverinë e mëparshme kanë shpenzuar para të gatshme në grante të pakthyeshme në vlerë prej 26 milionë eurosh. Investuesve të drejtpërdrejtë të huaj për krijimin e vendeve të reja të punës u janë dhënë 14 milionë euro për trajnime pesë milionë euro dhe për punë ndërtimore 10 milionë euro.

Në periudhën nga viti 2007 në përfundim me majin e vitit 2017, lehtësimi i përgjithshëm tatimor të cilat investuesit e huaj e kanë marrë në bazë të lirimit tatimor dhe doganor është 59 milionë euro. "Këto para kanë mundur, por nuk kanë hyrë në buxhetin e RM-së", tha Boshnjakovski.

Ai shtoi se analiza e bërë nga ana e Qeverisë së re tregon se investuesit e huaj vetëm një për qind nga furnizimet e veta i kanë realizuar nga kompanitë e Maqedonisë.

Boshnjakovski theksoi se pas deklasifikimit të marrëveshjeve, të dhënat publikisht janë të qasshme dhe e gjithë kjo do të dorëzohet edhe deri te organet gjyqësore të Maqedonisë.

Kjo është konferenca e parë për shtyp ku Qeveria doli me një pjesë të informacioneve nga analiza e realizuar për shpenzimet kundrejt rezultateve nga investuesit e drejtpërdrejt të huaj për periudhën nga viti 2007 deri në maj të viti 2017. Në ditët në vijim Qeveria në konferencë të re për shtyp do të publikojë informacione më të hollësishme për 130 milionë eurot e shpenzuara të cilat janë ndarë për tërheqjen e investuesve të huaj.

 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 13.09.2017, 13:29  | L.E. | 1,006 i lexuar

 

© ZHURNAL.mk

MË TË LEXUAR
Rrihet deri në vdekje një person në Maqedoni pas një zënke për telefonin celular 
Treni që udhëton vetëm për një vajzë, historia e saj prekëse
Ndihma për shpirtin e atdhetarit të mbuluar me flamurin kuq e zi, duhet të jetë ndihmë për sakrificat e tij
Anëtarësimi i shpejt i Serbisë në BE, "cunami" për Maqedoninë dhe rajonin
« E fundit: » PSP zbulon 35 llogari bankare të Nikolla Gruevskit
 

 


Loading...
MARKETINGU    |    IMPRESUM    |    KONTAKT    |    ARKIVA

AGJENCIA E LAJMEVE "ZHURNAL"


Shkup, R. Maqedonisë
Fon: 02 3217 815
E-mail: info @ zhurnal.mk

maqedoniakosovashqiperiabotaekonomikronikasportkultureshowbizteknologji
© 2017 ZHURNAL
Të gjitha të drejtat e përmbajtjes në këtë portal janë të rezervuara.
Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.