« Flasin analistët » A është gjetur kompromisi për çështjen e emrit?
Çmendet Gruevski: Hyrja në Parlament më 27 prill akt patriotik
Musliu: Nuk ka asgjë të keqe që LSDM përkrah kandidatët e BDI-së
Zaev i hap dyert PDSH-së për në qeveri, sinjali i parë rikonstruim i Qeverisë?
Ambasada çeke i bashkohet nismës së Bashkisë së Tiranës, Veliaj: Kënde lojërash në çdo lagje
veliaj_inspekton_kendin_e_21_te_lojerave_2_1.jpg

Projekti ambicioz i Bashkisë së Tiranës për të ndërtuar kënde lojërash dhe hapësira çlodhëse në çdo lagje të Tiranës ka gjetur përkrahjen edhe të përfaqësive diplomatike të akredituara në vendin tonë. Ambasada çeke është e para e cila iu bashkua nismës së Bashkisë së Tiranës, duke dhuruar module të ndryshme lojërash për këndin e fëmijëve në sheshin “Bajram Curri”, Njësia 7.

Teksa inspektoi fillimin e punimeve, kryetari i Bashkisë së Tiranës Erion Veliaj u shpreh se ky kënd lojërash shënon fillimin e bashkëpunimit me ambasadat për të çuar përpara projekte të ngjashme në kryeqytet. “Më vjen mirë që ambasada e parë që i bashkohet projektit tonë për këndet e lodrave është ambasada çeke. Praga nuk u ndërtua në një ditë, Praga u ndërtua ndër dhjetëra e qindra vite, por çdo ditë është bërë nga një punë konkrete. Kështu që, edhe ambicia jonë është që të punojmë çdo ditë për ta bërë Tiranën më të mirë dhe të sigurohemi që në finale të kemi një qytet kryesisht të mirë për fëmijët”, tha Veliaj.

Kryebashkiaku garantoi se edhe në gjysmën e dytë të mandatit, Bashkia e Tiranës do të vijojë punën për ndërtimin e hapësirave sportive dhe çlodhëse për fëmijët. “Ky është këndi ynë i 21 në dy vjet, por do të vazhdojmë edhe për dy vitet e tjera që na kanë mbetur, që të mos mendojmë vetëm për zgjedhjet e ardhshme, por edhe për gjeneratën e ardhshme. Fëmijët që rriten me një fëmijëri që ia vlen të mbahet mend, me aktivitet fizik, me jetë të shëndetshme, sigurisht bëhen qytetarë shumë herë më të kulturuar dhe shumë herë më të civilizuar nesër për Tiranën”, theksoi ai.

Duke vlerësuar cilësinë me të cilën është punuar për ndërtimin e këndeve për fëmijë dhe të shesheve çlodhëse për të gjitha grupmoshat, Veliaj tha se investime të tilla kanë një impakt pozitiv edhe për gjeneratën e ardhshme. “Në shumë prej projekteve tona, investimi është cilësor, por dilema është a do të mirëmbahet, a do ta mbajmë pastër, a do sillemi mirë, a do të vandalizohet? Unë besoj se sot nuk investojmë vetëm në infrastrukturë, por edhe në kulturë, dhe paja e qytetit tonë është një brez i ri i cili po rritet më i kulturuar, më i pastër dhe më i ndërgjegjshëm se si duhet të menaxhojmë hapësirën tonë të përbashkët” tha Veliaj.

Ai u shpreh optimist se ky bashkëpunim me ambasadën çeke për ndërtimin e këndeve të lojërave, do të ndiqet edhe nga përfaqësitë e tjera të akredituara në vendin tonë. “Mezi pres që kur të kthehemi pas një muaji, të gjejmë këndin e 21 të përfunduar dhe kjo dallëndyshja e parë e ambasadës çeke të pasohet edhe nga të tjerë. Sigurisht, ky është një investim modest, por sado modest të jetë, është diçka për të cilën u jemi shumë mirënjohës dhe shpresoj që të jetë shembull edhe për të tjerët”, u shpreh Veliaj.

Ambasadori i Republikës Çeke, Jaroslav Ludva,  e cilësoi këtë bashkëpunim me Bashkinë e Tiranës si shumë të rëndësishëm për brezat e rinj. “Kjo ditë është një ditë e bukur për të dy palët, Bashkinë, qytetin dhe Ambasadën Çeke. Ne identifikuam këtë bashkëpunim shumë të mirë me bashkinë, që konsiston në këtë shesh lojërash që nxjerr në pah të ardhmen e brezave dhe të ardhmen e qytetit të Tiranës. Jemi shumë të lumtur që po bashkëpunojmë në këtë projekt. Të shpresojmë që edhe ambasada të tjera të na bashkohen në këto projekte”, tha diplomati çek.

Investimi për jetëzimin e sheshit “Bajram Curri” parashikon rikualifikimin estetik të zonës, përmes shtimit të gjelbërimit, ndriçimit dhe ndërtimit të infrastrukturës çlodhëse për të rritur (stola, hije). Po tek Njësia 7, Bashkia e Tiranës ka planifikuar ndërtimin edhe të dy shesheve të tjera, më konkretisht në rrugën “Sali Butka” dhe “Shefqet Musaraj”, duke e transformuar tërësisht këtë zonë.

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 13.08.2017, 12:48  | T.E. | 598 i lexuar

 

© ZHURNAL.mk

MË TË LEXUAR
29-ti , ditë historike për liderët shqiptarë
A do të rimëkëmbet PDSH-ja nëse bëhet pjesë e qeverisë së Zaevit? Flasin analistët
« Analistët » LSDM drejt rrugës së VMRO-së, pushteti absolut dëmton Maqedoninë
Çairasit - Zekës: Të kanë skaduar çokollatat
Çmendet Gruevski: Hyrja në Parlament më 27 prill akt patriotik
 


MARKETINGU    |    IMPRESUM    |    KONTAKT    |    ARKIVA

AGJENCIA E LAJMEVE "ZHURNAL"


Shkup, R. Maqedonisë
Fon: 02 3217 815
E-mail: info @ zhurnal.mk

maqedoniakosovashqiperiabotaekonomikronikasportkultureshowbizteknologji
© 2017 ZHURNAL
Të gjitha të drejtat e përmbajtjes në këtë portal janë të rezervuara.
Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.