« DEMANT » Manojllovski për Zhurnal: Jam i lumtur në partinë time, edhe më tej mbetem BDI
Ekspertët: Zaev përgatit terrenin për dështim eventual
« Ish presidenti i Këshillit Europian » Rompoj: Ballkani perëndimor rrezikohet nga lufta
Në korrik Maqedonia merrë ftesë, por nuk do të jetë anëtare e NATO-s?!
“Malësia” e Podgoricës sjell punime shkencore nga mbarë hapësira shqiptare (Foto)
malesira.jpg

Këto ditë doli nga shtypi, numri i 12 i revistës për kulturë, shkencë dhe çështje shoqërore ‘Malësia’, që botohet në Podgoricë.

Me kryeredaktor Nikë Gashaj, politolog dhe aktualisht këshilltar i Avokatit të Popullit në Mal të Zi, dhe redaktor gjuhësor Prof. Dr.Shaban Sinani, kjo revistë ka një përmbajtje të pasur të punimeve shkencore dhe artikujve studimorë nga mbarë hapësira shqiptare dhe më gjerë.

Këshilli botues i kësaj reviste përbëhet nga emra të njohur të studiuesve dhe gjuhëtarëve shqiptarë nga Mali i Zi, Shqipëria, Kosova, Maqedonia, Arbëreshët e Italisë, etj.

Në rubrikën kulturë janë publikuar një sërë artikujsh nga Valter Memisha, ‘Rreth pasurisë leksikore të veprës së Pjetër Budit, përmes Fjalorit të Kolë Ashtës’; Zeqirja Neziri me “Pjetër Budi dhe Jakopone da Todi: Dy poetë në përqasje”; Fatbardha Hodha, “Ndihmesa e shkrimtarëve të Rilindjes në përafrimin letrar të shqipes”; Faredin Shabani “Aspekte historiko-politike të zhvillimit të alfabetit shqip deri në vitin 1879”; Shefkije Islamaj, “Shqipja standarde dhe dialektet e shqipes sot”; Prof. dr. Shpresa Hoxha “Ballafaqimi i termave të ekonomisë anglisht – shqip”, Josip Mita- “Gjuha si objekt i natyrës dhe mësimdhënia e sintaksës në shkollë”; Anton Nikë Berisha-“ Vepra e Anton Çettës përligj dhe ndriçon rrënjët tona dhe botën tonë”; Shaban Sinani-“ Dy ungjijtë më të vjetër të Shqipërisë në Selinë e Shenjtë”; Ardian Kyçyku –“Strabizmi i anijes dhe i gjumit (Disa fjalë për artin e Arian Lekës)”; Eris Rusi –“Dy novela të Kasëm Trebeshinës ndërmjet reales dhe imagjinares”; Muharrem Jakupi –“Humori i zi si përbërës stilistik i romaneve të Ismail Kadaresë” si dhe Melihate Zeqiri –“Prurjet leksikore në fushën e kuzhinës”.

Një tjetër rubrikë interesante e kësaj revistë është edhe ‘Recensione’ në të cilën janë botuar:

- Ismail Doda Tivar – Krajë: Ruzhdi Ushaku: Gjurmë dhe anëshkrime nga folklori i Ulqinit. Prof. dr. Rusana Hristova – Bejleri Universiteti i Sofjes: Ngjallja shkencore të një vepre të vyer gjuhësore shqiptare në gjuhën bullgare.

-Prof. dr. Shaban Sinani Akademia e Shkencave e Shqipërisë: Prestigji i individit si prestigj gjuhësor.

-Prof. dr. Gianni Antonio Palumbo Bari, Itali: Prani mitologjike – totemike dhe kujtesë rapsodish shqiptare.

-Nekrologji Nikë Gashaj Podgoricë: In memoriam, Ndahet nga jeta prof. Riza Rexha (1935-2016).

Revista ‘Malësia’ i mbetet besnike konceptit të përcaktuar, që në faqet e saj të promovojë çështje të rëndësishme nga thesari i vlerave kombëtare, historike dhe kulturore të popullit shqiptar. Revista ‘Malësia’ vazhdon të jetë zëdhënëse e intelektualëve shqiptarë nga mbarë hapësira shqiptare, duke pasur si qëllim pasurimin e kulturës e të shkencës me njohje të reja dhe nxitjen e shpirtit krijues të të gjithë atyre që kanë ide të reja, vizione, mundësi dhe aftësi intelektuale.

Revista ‘Malësia’ ka qenë dhe do të jetë e hapur për të gjithë dijetarët e kulturës shqiptare; për njohjet e tjera shkencore që kanë rëndësi dhe interes për afirmimin e kulturës dhe qenies kombëtare shqiptare.

 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 17.07.2017, 11:48  | L.E. | 820 i lexuar

 

© ZHURNAL.mk

MË TË LEXUAR
« Qytetarët denoncojnë » SKANDAL: Bekteshi dhe Dehari të përfshirë në biznese e mallverzime edhe me Çavkovin e të birin e tij!
Dizhon, babai therrë me thikë të birin 16 vjeçar
Tragjedi në Tetovë, ndahet nga jeta i riu Fatos Islami
I riu godet për vdekje 53 vjeçarin nga fshati Bukoviq
DioGuardi: Kemi kthyer vëmendjen e Amerikës për shqiptarët në Maqedoni
 

 


MARKETINGU    |    IMPRESUM    |    KONTAKT    |    ARKIVA

AGJENCIA E LAJMEVE "ZHURNAL"


Shkup, R. Maqedonisë
Fon: 02 3217 815
E-mail: info @ zhurnal.mk

maqedoniakosovashqiperiabotaekonomikronikasportkultureshowbizteknologji
© 2018 ZHURNAL
Të gjitha të drejtat e përmbajtjes në këtë portal janë të rezervuara.
Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.