« Sheshi "Skendërbeu" » Mexhiti fton gjithë shqiptarët të përjetojnë kulturën dhe artin e gjitha trevave shqi..
« Analistët » Sporti shqiptar nuk duhet të anashkalohet nga Qeveria e Maqedonisë
« Kadriu për Zhurnal » Reforma në gjyqësor nënkuton shumë gjëra, jo vetëm shkarkimi i Zvërlevskit
« E fundit » Më në fund mbaroi seriali "Zvërlevski", u shkarkua me 64 vota "pro"
Gara mes nacionalizmit rural dhe atij progresiv

Nga Sadri RAMABAJA

Rrita e VV në mënyrë marramendëse, prezantimi i kësaj rrite në sondazhet e porosituara nga PDK dhe LDK, por edhe nga agjensi profesionale të pavarura, bashkë me sistemin politik të imponuar nga verdiktii Gjykatëts Kushtetuese, krijoi predispozitat për krijimin, de fakto, të tri blloqeve politike parazgjedhore.

Kjo rritë e bëri Isa M., pasuesin e mendimit politik të Kumrovcit, gjeneroz. Ai u shpërfaq në natyrën e tij reale - plot dinakëri, lëshoi pozicionin e kandidatit për kryeministër, megjithëse në atë pozitë, si ngushëllim për natyrën e tij tipike bizantine, nuk shkoi larg, por emroi kopjen e tij - Dullën. 

Këtë shpërfaqje të Isa M. sërish në petkun e Fushesë, e luajti në mënyrë të shkëlqyeshme edhe mbrëmë në villën e Pacajve, falë PDK-së, që ia la të stivuara dosjet e krimit në Prokurorin e kapur, duke e trajtuar si “kafshatë të vogël”, por edhe duke e mbajtur Republikën tutje si peng.

Po kaq gjeneroz, madje do të thosha edhe më pragmatik se Isa M., u dëshmua lideri real i PDK-së, Kadri Veseli. Në orët e fundit, ai ia treti buzëqeshjen pasuesve politik të titizmit, të ashtuquajturëve liberal, duke ua ngrirë gjakun dhe tretur gjumin për shumë netë, deri më 11 qershor, në mos më gjatë.

Kadri Veseli u dëshmua se ka përvetësuar mirë mësimet e Makiavelit. Kalkuloi në mënyrën më të mirë të mundshme për ruajtjen e pushtetit me çdo çmim dhe duke mundur tundimin personal, ia dha mundësinë Ramush Haradinajt, këtij kalorësi fisnik të Dukagjinit, që sërish të bëjë histori.

LDK edhe pas këtyre zgjedhjeve mbetet në rolin e vet real - atë të patericës.

Qytetarët e kanë tashmë të qartë: vota për LDK rezulton edhe votë për PDKAAK (PRONTON).  Tok, këto dy blloqe, prezantojnë kartelat e krimit në këtë Republikë të brishtë. Shih për këttë, vota për këto dy blloqe është votë për konzervimin e krimit në pushtet, pavarësisht se në shikim të parë beteja politike mes tyre na shpërfaqet si gjoja përplasje mes çlirimtarëve dhe pacifistëve, respektivisht mes nacionalistëve dhe titistëve.

Shteti modern kërkon që të ushqehet tutje me ideologjinë e nacionalizmit. Ideologjia e ashtuquajtur e djathtë e këtyre dy blloqeve, ka pak, për të mos thënë aspak të bëjë me nacionalizmin modern. Nacionalizmi i konservuar tek princi i Dukagjinit (RH), është tipik një lloj nacionalizmi ruaral, që rrënjët i ka në mesjetën e vonë e më shumë tek nacionalizmi i shek.XIX dhe XX. Ai ishte më se i domosdoshëm për periudhën e luftës, pra për betejën për mbijetesë të kësaj pjese të Kombit. Dhe gjithësesi, madje edhe meritor.  

Për dallim nga ky tip nacionalizmi tashmë në fazën e perendimit, ai i VV është nacionalizëm progresiv, urban, pra i domosdoshëm për ruajtjen dhe selitjen e kryevlerës politike - Shtetit modern.

Këto zgjedhje do të shënohen si garë mes mendësisë fisnike, kalorsiake, respektivisht nacionalizmit rural dhe nacionalizmit progresiv, urban.

Meritë e këtyre zgjedhjeve duket se do të jetë  heqja e titistëve nga gara politike, respektivisht heqje definitive e kolonës ruse nga skena politike kosovare dhe ecje e skenës politike drejt etablimit të dy blloqeve politike.

Gara tutje mbetet mes PRONTO-s... dhe Vetëvendosjes.

Vota e qytetarëve do ta përcaktojë se a do të ecë tutje Republika  drejt funksionalizimit real, etablimit dhe prosperimit social e ekomomik, apo do të shndërrohet tërësisht në një arenë të rezervuar për kartelat e krimit. Shih për këtë, zgjedhjet e 11 qershorit, do të mund të cilësoheshin edhe si referendim politik i llojit të vetë.

 17.05.2017, 20:13  | D.J. | 1,251 i lexuar

 

© ZHURNAL.mk

 Më tepër 

MË TË LEXUAR
Shfrenohet Albëria, nxjerr gjoksin në veturë (Foto)
E fundit: Xhaferi pranon propozimin e kryeministrit Zaev
Spasovska zgjidhet u.d prokuror publik deri në emërimin e prokurorit të ri
« Flet kryeparlamentari Talat Xhaferi » Qeverisë dhe liderëve partiak ua tregova vendin për sa i përket parlamentit
« Lajmi i fundit » Dhjetra persona shtrohen në spitalin 8 Shtatori, me dhimbje barku e vjellje, dyshohet për helmim
 


MARKETINGU    |    IMPRESUM    |    KONTAKT    |    ARKIVA

AGJENCIA E LAJMEVE "ZHURNAL"


Shkup, R. Maqedonisë
Fon: 02 3217 815
E-mail: info @ zhurnal.mk

maqedoniakosovashqiperiabotaekonomikronikasportkultureshowbizteknologji
© 2017 ZHURNAL
Të gjitha të drejtat e përmbajtjes në këtë portal janë të rezervuara.
Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.