Tryezë e rrumbullakët për biodiversitetin në rajonin e Ohrit-Prespës
ekonomi
Tryezë e rrumbullakët për biodiversitetin në rajonin e Ohrit-Prespës

Tryezë e rrumbullakët për biodiversitetin në rajonin e Ohrit-Prespës

Shkup, 16 maj- Ekspertë nga Maqedonia dhe profesori Jos Ferhzfen, kryetar i Degës evropiane të Shoqatës botërore të shkencëtarëve për eksosisteme moçalore, do të marrin pjesë në tryezën e sotme të rrumbullakët për ndikimin e projekteve të planifikuara infrastrukturore ndaj biodiversitetit në rajonin e Ohrit-Prespës.

Tryeza e rrumbullakët do të mbahet në Shkup, ndërsa e organizon Shoqata për mbrojtje të kafshëve dhe ambientit jetësor E.D.E.N në kuadër të projektit "Zgjidh anë", financuar përmes Global Green Grants Fund.

Ferhufen, i cili është mysafir i posaçëm, do të flasë për rëndësinë dhe vlerën e ekosistemeve moçalore.

Në tryezën e rrumbullakët do të prezantohet edhe analiza e biodiversitetit në rajon "Rajoni i Ohrit-Prespës në udhëkryq ndërmjet të kaltrës dhe grisë" që e përgatiti prof.dr. Trajçe Talevski. Në analizë janë vlerësuar vlerat natyrore të rajonit, çka është ajo që e bën unikat, për ç'arsye ka status të trashëgimisë natyrore botërore, si dhe cilat janë rreziqet nga projektet e planifikuara infrastrukturore.

Konkludimet nga tryeza e rrumbullakët do t'u parashtrohen të gjitha institucioneve relevante vendore dhe ndërkombëtare në mënyrë që të bëjnë përpjekje të përbashkëta për t'u ruajtur integriteti i rajonit dhe të parandalohet shkatërrimi i tij.

© ZHURNAL 16.05.2017, 12:21 | L.E. | 2,886 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."