"Lagja e Trimave": Bajrami nuk jam terrorist
maqedonia
"Lagja e Trimave": Bajrami nuk jam terrorist

"Lagja e Trimave": Bajrami nuk jam terrorist

Shkup, 21 Prill - Për rastin "Lagja e Trimave", para trupit gjykues është deklaruar edhe Arsim Bajrami ish-pjestari i MInistris së Punëve të Bredshme (MPB), njofton Zhurnal.mk

Ai në deklaratën e tij ka hedhur poshtë akuzën me të cilën akuzohet për "terrorizëm", duke theksuar se gjatë gjithë kohës sa ka qenë polic ka qenë shumë i displinuar dhe profesionist në detyrë gjë që e dëshmojnë edhe mirënjohjet e shpërblimet që ka.

"Këtu, në gjykatë, i kam njohur të gjithë të akuzuarit. Më parë asnjë se njihja. Sami Ukshinin dhe Andi Krasniqin i kam njohur sic i njohin të gjithë qytetarët e Maqedonisë. Ndërsa Beg Rizaj dhe Mirsad Ndrecaj, i kam parë në vitin 2008, kur angazhoheshin  si truproja të BDI-së gjatë fushatës parazgjedhore, në kohën që unë si  polic përkujdesesha për sigurinë e fushatës. Prej atëherë kurrë më si kam parë", ka pohuar Bajrami.

Ai ka thënë se prokuroria tenton që vetëm përmes një porosie celulari të dëshmoj para gjykatës dhe publikut se kam kryer veprën terrorizëm.

"Numrin e kisha të shënuar si 'Irfan.Ku.', më 9 maj më shkruan SMS. Porosia ishte e dyshimtë, mendova se është gabim dhe nuk i dhashë shumë rëndësi, por më vonë më kapi një panik dhe tentova ta thërras, por  nuk ma hapi. Pas kësaj më mori në telefon kryeshefi dhe më tha se ka mbledhje ku duhet të marrim pjesë të gjithë, edhe pse pata kërkuar pushim mjekësor. Sapo filloi mbledhja,  erdhën 3 pjesëtarë të njësitit special me maska dhe pyetën kush është Arsimi. U përgjigja! Më morën! Nuk e respektuan aspak procedurën ligjore, më shtrinë në tokë  dhe m’i morën sendet personale që kisha me vete , edhe armën zyrtare, dhe më vendosën në qelinë e SPB- Kumanovë", sqaroi Bajrami para trupit gjykues.

Bajrami kërkon nga prokuroria të zbardhë se kush dhe pse e ka dërguar këtë porosi në celularin e tij.

"Prokuroria ka për detyrë që të zbardhë se kush dhe pse e ka dërguar këtë porosi. Unë jam gjuetar, dhe një muaj para rastit isha në gjueti, mund të kenë mbetur  gjurmët edhe prej atje", sqaroi  Bajrami.

Ndërsa për gjurmët e nitratit në veshjen etij sportive, thotë se rrobat mund ti jenë kontaminuar nga ajo e njësiti special, ku ka qenë vetë pjestarë.

© ZHURNAL 21.04.2017, 18:00 | D.J. | 6,576 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."