Basha: Vetëm qeveri teknike, nuk tërhiqemi
shqiperia
Basha: Vetëm qeveri teknike, nuk tërhiqemi

Basha: Vetëm qeveri teknike, nuk tërhiqemi

Kryetari i PD, Lulzim Basha siguroi nga çadra e protestës në bulevard se nuk ka asnjë tërheqje nga qëndrimi i opozitës, edhe pas lëvizjeve të fundit të maxhorancës, për të shtyrë afatin e regjistrimit në KQZ, apo për të djegur raundin e parë të zgjedhjes së presidentit pa emër, në përpjekje të konsensusit me opozitën.

Në fjalimin e tij, Basha përsëriti kushtin për qeveri teknike, shkruan Top Channel.

“Data për koalicionin skadon për pak orë. Hesapet e koalicionit le t’i bëjnë vetë. Por zgjidhja e vetme për zgjedhje të lira e të ndershme është qeveria teknike me mbështetje të gjerë politike, që të luftojë krimin, të nxjerrë kriminelët nga zyra, që të organizojë zgjedhje të lira e të ndershme, me numërim elektronik, me votim elektronik. Ndryshe e keni të kotë, mos mendoni se ne do të tërhiqemi”, tha Basha.

© ZHURNAL 19.04.2017, 23:30 | T.E. | 1,078 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."