ZHURNAL.MK ZHURNAL.KS ZHURNAL.AL

 

Bota
Le Pen ashpërson tonet katër ditë para zgjedhjeve presidenciale

Drejtuesja e ekstremit të djathtë francez, Marine Le Pen, në rënie të lehtë në sondazhe katër ditë para turit të parë të zgjedhjeve presidenciale, ashpërsoi tonet përsa i përket sigurisë dhe imigracionit, ndërkohë që një atentat u parandalua në Francë.

Le-Pen-2-696x391.jpg

Drejtuesja e ekstremit të djathtë francez, Marine Le Pen, në rënie të lehtë në sondazhe katër ditë para turit të parë të zgjedhjeve presidenciale, ashpërsoi tonet përsa i përket sigurisë dhe imigracionit, ndërkohë që një atentat u parandalua në Francë.

Parashikuar për t’u kualifikuar në turin e dytë të zgjedhjeve sipas sondazheve të realizuara që prej disa muajsh, kandidatja anti migracionit dhe anti euros është përballur këto ditët e fundit me një rënie në sondazhe, ashtu si favoriti tjetër, kandidati i qendrës, pro-evropiani, Emmanuel Macron, të dy me nga 23 për qind të votave.

Konservatori, François Fillon, për shumë kohë i fundosur për shkak të problemeve gjyqësore dhe kampioni i të majtës radikale, Jean-Luc Melenchon renditen shumë pranë me rreth 20 për qind.

Një sprint final, por aq i ashpër sa abstenimi, rrezikon të jetë i lartë dhe rreth 30 për qind e zgjedhësve konfirmojnë se nuk dinë për kë të votojnë të dielën.

Në këtë kontekst të pasigurtë, Marine Le Pen përqendrohet mbi temat e preferuara të partisë së saj Fronti Kombëtar (FN) për të rimobilizuar kampin e saj, migracioni, identiteti dhe siguria.

Kandidatja 48-vjeçare ka ashpërsuar tonet që prej së hënës duke kërkuar një moratorium për migracionin ligjor dhe duke përsëritur se kërkonte t’i jepte fund marrëveshjeve të Shengenit për qarkullimin e lirë të personave brenda Bashkimit Evropian.

“Me mua nuk do të ketë Mohamed Merah, që shpallet luftëtar i Al-Kaedës dhe vret në vitin 2012 tre ushtarë si dhe tre fëmijë dhe një mësues hebre, nuk do të ketë terroristë migrantë të Bataclanit dhe stadiumit të Francës që shkaktuan 130 të vdekur në nëntor 2015”, theksoi Marine Le Pen.

“Masat që do të marr nuk do t’i lejojnë këta persona të jenë në territor, të jenë të lirë”, theksoi ajo.

 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 19.04.2017, 18:47  | T.E. | 1,181 i lexuar

 

 

 

Në Ditën e Shkopit të Bardhë, kryetari Taravari në vizitë te Shoqata e të verbërve “Realiteti”

Gostivar, 15 tetor - Në Ditën ndërkombëtare të personave të verbër, kryetrari i komunës së Gostivarit, Arben Taravari vizitoi zyrën e Shoqatës së personave të verbër dhe me shikim të dëmtuar “Realiteti” – Gostivar.

“Sot është 15 Tetori, dita botërore e personave të verbër, që njihet si Dita e shkopit të bardhë, andaj e përzgjodhëm pikërisht këtë ditë për të bashkëbiseduar dhe për tu njohur me hallet dhe nevojat anëtarëve të kësaj  shoqate. Më informuan se janë të ftuar në garat në ‘Gold ball' në Sarajevë. Me këtë rast ne si Komunë i mbështesim për udhëtimin dhe qëndrimin atje, si dhe urojmë që të shënojnë sa më shumë fitore. Po ashtu do tua plotësojmë edhe një kërkesë, respektivisht nevojë, do t’ua rinovojmë mjediset e Shoqatës së shpejti, menjëherë  pas përfundimit të tenderit” – theksoi kryetari Taravari.

Kryetari i shoqatës Realiteti , Xhevat Fejzuli, shprehu kënaqësinë për vizitën e dytë të kryetarit Taravari, si dhe shprehu falënderime për përkrahjen e vazhdueshme.
“Shoqata jonë numëron 62 anëtarë. Falënderojmë kryetarin që na mundëson pjesëmarrjen në garat në Sarajevë dhe uroj dhe shpresoj se do të shënojmë rezultate të kënaqshme.”, u shpreh kryetari Fejzuli.

Komuna e Gostivarit për anëtarët e shoqatës Realiteti, siguroi fanella me logon e komunës, të cilat do t’i shfrytëzojnë për pjesëmarrje në garat në Sarajevë.

Vlen të theksohet edhe se prej sot, një zyrë në objektin e NP” Komunalec”,  iu dorëzua në shfrytëzim Shoqatës për personat me nevoja të posaçme “Bashkërisht Mundemi “.

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 15.10.2018, 23:04  | T.E. | 2.167 i lexuar

© ZHURNAL.mk

MARKETINGU    |    IMPRESUM    |    KONTAKT    |    ARKIVA
AGJENCIA E LAJMEVE "ZHURNAL"
Fon: 02 3217 815, E-mail: info @ zhurnal.mk
© 2018 Agjencia e lajmeve "ZHURNAL"
Të gjitha të drejtat e përmbajtjes në këtë portal janë të rezervuara. Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.