WhatsApp "ua mundëson" hakerëve qasjen në llogaritë e përdoruesve
teknologji
WhatsApp "ua mundëson" hakerëve qasjen në llogaritë e përdoruesve

WhatsApp "ua mundëson" hakerëve qasjen në llogaritë e përdoruesve

Hulumtuesit e Check Point Security kanë zbuluar një dobësi të re në kuadër të aplikacioneve WhatsApp dhe Telegram, të cilat shumë lehtë mund t’iu mundësojë hakërreve që të marrin kontrollin mbi llogarinë e përdoruesve të kompjuterit.

WhatsApp dhe Telegram janë gjithnjë e më shumë aplikacione të popullarizuara për dërgesa të shkurtra, të cilat përdorin enkriptimin end-to-end si masë e sigurisë. Kjo pamundëson që biseda të emitohet vetëm ndërmjet njerëzve të cilët janë të përfshirë në bisedë, pa entitete nga anët tjera, transmeton KosovaPress.

Dobësia e gjetur iu mundëson sulmuesve që t’i dërgojnë viktimës një kod keqdashës, i cili është i paketuar në formë të fotografisë së parrezikshme.

Kur të klikoni në fotografi, sulmi mund të ketë qasje në të dhënat e ruajtura të përdoruesve në WhatsApp dhe Telegram, me çka praktikisht i dorëzohet hakërreve qasje komplete e llogarisë. Në këtë mënyrë, materiali keqdashës mund të përhapet edhe te shfrytëzuesit tjerë.

© ZHURNAL 17.03.2017, 10:33 | L.E. | 656 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."