Plagoset 28 vjeçari në lagjen Hasanbeg të Shkupit
kronika
Plagoset 28 vjeçari në lagjen Hasanbeg të Shkupit

Plagoset 28 vjeçari në lagjen Hasanbeg të Shkupit

Shkup, 10 mars - Me lëndim prej plumbi në mbigjurin e majt, 28 vjeçari nga lagja Çento dje është pranuar në spitalin e qytetit “Shën Naum Ohridski” në Shkup.
Sipas informatave të para, djaloshin e kanë qëlluar persona ende të panjohur nga vetura, transmeton Zhurnal.

Incidenti ka ndodhur herët në mëngjes, rreth orës 4:35 kur në vendbanimin e djaloshit ka arritur një veturë me persona të panjohur. Është shkaktuar përleshje verbale e cila ka përfunduar me gjuajtje me armë. 28 vjeçari G.B. është qëlluar në mbigjurin e majtë, ku më pas sulmuesit kanë ikur.

Nga policia e vërtetojnë ngjarjen, por ende nuk zbulojnë detaje. Nuk dihen arsyet për plagosjen si dhe për përleshjen e cila ka përfunduar kështu.

28 vjeçari G.B. sipas informatave nga spitali ka lëndime të rënda dhe gjendja e tij është e paqartë.

“I lënduari është në gjendje të rrezikshme jetësore. Nuk kemi më tepër informata”, thonë nga spitali.

© ZHURNAL 10.03.2017, 11:02 | Z.H. | 39,781 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."