Trajneri i Dortmundit: Real Madridi s’është favorit për ta fituar Ligën e Kampionëve
sport
Trajneri i Dortmundit: Real Madridi s’është favorit për ta fituar Ligën e Kampionëve

Trajneri i Dortmundit: Real Madridi s’është favorit për ta fituar Ligën e Kampionëve

Trajneri i Dortmundit, Peter Bosz, nuk beson se Real Madridi është favorit për ta fituar Ligën e Kampionëve, përkundër humbjes që skuadra e tij e pësoi mbrëmë në “Santiago Bernabeu” me rezultat 3-2.

Dortmundi u kthye nga 2-0 për ta barazuar rezultatin në 2-2 kundër kampionit aktual falë sulmuesit të saj, Pierre-Emerick Aubameyang, transmeton Express.

Megjithatë, skuadra gjermane – e cila veçse ishte eliminuar nga Liga e Kampionëve – humbi në fund pas golit të Lucas Vazquez nëntë minuta para përfundimit të takimit.

Por, Bosz thotë se Reali nuk është favorit pas asaj që pa mbrëmë, edhe pse Zinedine Zidane luajti pa pesë startues të formacionit bazë.

“Pas lojës së sotme, nuk e di nëse është e mundur të thuash se Real Madridi është favorit për ta fituar Ligën e Kampionëve. Nuk ishin të fortë sonte”, ka thënë Bosz në një konferencë për media pas ndeshjes.

© ZHURNAL 07.12.2017, 09:23 | Xh.I.
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."