ZHURNAL.MK ZHURNAL.KS ZHURNAL.AL
Ibraimi: Rikonstruimi i Qeverisë jo për shkaqe kualitative, por politike
« E fundit » Bie "peshku i madh", Gruevski dënohet me 2 vite burg

 

Bota
Mogherini: Vendimi i Trumpit mund të na sjellë në periudha më të errëta
thumbs_b_c_8854c1a8b4d9e7514acb0e3e5b2cc6b3.jpg

Përfaqësuesja e Lartë e Bashkimit Evropian (BE) për Politikë të Jashtme dhe Politikë të Sigurisë, Federica Mogherini, theksoi se është shqetësues vendimi i presidentit të SHBA-ve, Donald Trump, për njohjen e Jerusalemit si "kryeqytet të Izraelit", duke shtuar se “vendimi i presidentit Trump mund të na sjell në periudha më të errëta”, raporton Anadolu Agency (AA).

 

Në takimin ditor me mediat, të mbajtur në Komisionin Evropian, Mogherini theksoi se qëllimi kryesor i BE-së është që Jerusalemi të jetë mjet për arritjen e zgjidhjes me dy shtete për krizën e Lindjes së Mesme, ashtu që do të jetë kryeqytet edhe i Izraelit edhe i Palestinës.

 

“Njëzet e tetë vende – anëtare të BE-së pajtohen se zgjidhja e vetme reale është me dy shtete, dhe se Jerusalemi duhet të jetë kryeqytet i dy vendeve”, theksoi Mogherini.

 

Mogherini theksoi se në takimin e realizuar javën e kaluar, me sekretarin amerikan të shtetit, Rex Tillerson, ka transmetuar qëndrimin e qartë dhe vendimtar të BE-së rreth kësaj çështjeje. Ajo u përqendrua edhe në rëndësinë që sërish të fillohet me procesin e paqes në Lindjen e Mesme.

 

“Vendimi i presidentit Trump mund të na sjellë në periudha më të errëta”, tha Mogherini. Duke u bërë thirrje të dyja palëve për përmbajtje, Mogherini tha se Jerusalemi është një çështje që prek tërë bashkësinë ndërkombëtare. Ajo paralajmëroi se çështja e statusit të Jerusalemit do të jetë tema kryesore e bisedës gjatë takimit me kryeministrin e Izraelit, që të hënën do të arrijë për vizitë në Bruksel. 

 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 07.12.2017, 16:28  | Z.H. | 592 i lexuar

 

© ZHURNAL.mk

MARKETINGU    |    IMPRESUM    |    KONTAKT    |    ARKIVA
AGJENCIA E LAJMEVE "ZHURNAL"
Fon: 02 3217 815, E-mail: info @ zhurnal.mk
© 2018 Agjencia e lajmeve "ZHURNAL"
Të gjitha të drejtat e përmbajtjes në këtë portal janë të rezervuara. Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.
 
<