Shkëndija rikthen Mevlan Adilin në Maqedoni!
sport
Shkëndija rikthen Mevlan Adilin në Maqedoni!

Shkëndija rikthen Mevlan Adilin në Maqedoni!

Mevlan Adili ka gjasa që të rikthehet në futbollin vendor, mirëpo kësaj rradhe jo te klubi i tij i zemrës, FC Shkupi, por te kampionët vjeshtor të Shkëndijës, njofton “infOSport.mk”.

 

Burime të afërta me portalin tonë bëjnë me dije se drejtuesit “kuq e zi” kanë bërë kontaktet e para me menaxherin e futbollistit shkupjan, i cili janarin e këtij viti iu bashkua skuadrës rumune të UTA Arad nga rradhët e FC Shkupit.

 

Ai me skuadrën rumune që garon në Ligën e Dytë ka kontratë deri qershorin e vitit 2019-të, mirëpo në marrëveshjen mes tyre ekziston një klauzolë që në rast se në adresë të Adilit vjen ndonjë ofertë më e mirë, të mos e pengojnë në realizimin e saj.

 

Kësisoj mbrojtësi 23-vjeçar mund ti bashkohet sërish Shkëndijës, pjesë e së cilës ishte nga janari deri në korrikun e vitit 2015-të, transmeton “infOSport.mk”

 

Cilësitë e Mevlan Adilit janë shumë mirë të njohura edhe për strategun e Shkëndijës, Qatip Osmani, i cili përveç si mbrojtës futbollistin shkupjan mund ta shfrytëzojë edhe si mesfushor difenziv.

© ZHURNAL 07.12.2017, 15:05 | Z.H. | 1,338 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."