ZHURNAL.MK ZHURNAL.KS ZHURNAL.AL
Ibraimi: Rikonstruimi i Qeverisë jo për shkaqe kualitative, por politike
« E fundit » Bie "peshku i madh", Gruevski dënohet me 2 vite burg

 

Kulturë
“Salvador Mundi” shkon në Luvrin e Abu Dhabit
luver.jpg

Një tablo e Leonardo da Vinçit, shitur në nëntor në ankand për një vlerë rekord prej 450,3 milionë dollarësh do të ekspozohet në Luvrin e ri të Abu Dabit, një marketing i pazakontë për muzeun, që u bë i mundur nga një princ saudit.

“Salvator Mundi mbërrin në Luvrin e Abu Dhabit”, shkruan në një mesazh në Twitter institucioni, pas dhënë detaje për identitetin e pronarit të tablosë.

 

Është një arritje e jashtëzakonshme për këtë muze të ri, që burri i hekurt i Emirateve të Bashkuara Arabe, sheiku Mohammed ben Zayed Al-Nahyane, e cilësoi si monument kulturor botëror gjatë inaugurimit më 8 nëntor, në praninë e presidentit francez, Emmanuel Macron.

“Urime”, shkruan në Twitter shtëpia e ankandeve “Christie’s”, që kishte organizuar në Nju Jork shitjen, gjatë të cilës tabloja “Salvator Mundi” theu rekordin si piktura më e shtrenjtë në botë, që prej vitit 2015 nga “Les Femmes d’Alger (version 0)” e Pablo Picassos.

Që prej kësaj shitjeje vijuan spekulimet për identitetin e blerësit të kësaj vepre, shitur nga miliarderi rus Dmitri Rybolovlev, i cili e kishte blerë për 127,3 milionë dollarë në vitin 2013, një çmim që ai e kishte gjykuar të mbivlerësuar.

E përditshmja “New York Times” konfirmoi se blerësi ishte princi saudit Bader ben Abdullah ben Mohammed ben Farhan Al-Saud, i afërt me princin trashëgimtar, Mohammed ben Salmane.

 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 07.12.2017, 14:33  | L.E. | 698 i lexuar

 

© ZHURNAL.mk

MARKETINGU    |    IMPRESUM    |    KONTAKT    |    ARKIVA
AGJENCIA E LAJMEVE "ZHURNAL"
Fon: 02 3217 815, E-mail: info @ zhurnal.mk
© 2018 Agjencia e lajmeve "ZHURNAL"
Të gjitha të drejtat e përmbajtjes në këtë portal janë të rezervuara. Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.
 
<