Dyshohet se kanë lidhje me terrorizmin, policia italiane dëbon dy shqiptarë
shqiperia
Dyshohet se kanë lidhje me terrorizmin, policia italiane dëbon dy shqiptarë

Dyshohet se kanë lidhje me terrorizmin, policia italiane dëbon dy shqiptarë

Dy shqiptarë janë dëbuar nga policia italiane pasi dyshohen se kanë pasur lidhje me veprimtari terroriste. Mediat italiane raportojnë se shqiptarët, identiteti i të cilëve nuk bëhet i ditur, rezident në Puglia, janë dëbuar për arsye sigurie kombëtare.

“Ansa” shkruan se sipas autoriteteve italiane, me dy rastet e fundit, numri i personave të dëbuar nga Italia, të konsideruar persona me lidhje ekstreme fetare, shkon në 232 nga 1 Janari 2015 deri tani në 2017-ën. Kujtojmë se në muajin tetor autoritetet italiane dëbuan edhe dy persona, një shqiptar dhe një shtetas maqedonas.

Bëhej fjalë për një maqedonas 36-vjeçar dhe një 27-vjeçar shqiptar, banorë në provincën e Barit, që ishin monitoruar prej kohësh nga policia, pasi rezulton që ata kishin marrëdhënie të ngushta shoqërore me disa marokenë pro-islamikë.

© ZHURNAL 06.12.2017, 18:08 | T.E.
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."