Demiri: Në këtë rikonstruim nuk do të ketë as fitues as humbës
maqedonia
Demiri: Në këtë rikonstruim nuk do të ketë as fitues as humbës

Demiri: Në këtë rikonstruim nuk do të ketë as fitues as humbës

Shkup, 15 dhjetor - Vendet e zbrazëta të cilat duhej të plotësoheshin në Qeveri, braktisja e djeshme e pozitës ministrore nga Samka Ibraimovski dhe bisedimet midis kryeministrit dhe liderit të LSDM-së, Zoran Zaev dhe liderit të BDI-së, Ali Ahmeti paralajmërojnë për ndryshim më të madh në përbërjen qeveritare. 

Nga BDI dje konfirmuan se kanë përfunduar bisedimet lidhur me përbërjen qeveritare, ndërsa në seancë kuvendore sot duhet të konstatohen dorëheqjet e deputetëve Vasko Kovaçevski dhe Stevo Pendarovski.

Ministria e Shëndetësisë për afro dy muaj është pa ministër pasi që Arben Taravari fitoi në zgjedhjet lokale dhe u bë i pari i Gostivarit. Andaj javën e ardhëshme pritet të bëhet rikonstruimi i Qeverisë me emra të ri në kabinetin qeveritarë.

Analisti politik Alajdin Demiri në një prononcim për Zhurnal ka theksuar se rikonstruimi që pritet të bëhet, do jetë rikonstruim i zorit, gjegjësisht rikonstruim i detyruar.

Sipas tij nga ky rikonstruim nuk do të ketë as fitues e as humbës mes partnerëve të koalicionit.

“Ky rekonstruim, është një rikonstruim i zorit, i detyruar nga rrethanat ekzistuese, jo për arsye të punës ose të mos punës, suksesi ose mossuksesit të ministrave dhe të Qeverisë, por për arsye të rokadave. Në një mënyrë nuk mund të quhet rikonstruim por mund të quhet plotësim. Kjo situatë është goxha e tendosur, për arsyese Parlamenti ka një kohë që nuk funksionon dhe nuk dihet se deri kur nuk do të funksionon. Unë mendoj se 23 dhjetori kur është edhe kongresi i VMRO-së, do të pastron disa dilema. KSHZ është e pezulluar, kanë dhënë dorëheqje,  ndërsa dorëheqjet nuk ka se kush ti pranon sepse nuk ka deputet. Situata e këtillë do të zgjatë pak, ndërsa nga ky rikonstruim nuk pres të ketë fitues dhe humbës”, ka deklaruar Demiri duke shtuar se Ahmeti tenton që ta largon Selën nga koalicioni qeveritar.

“Është e vërtetë se Ali Ahmeti, me qëndrimet personale me një animozitet ekstrem ndaj Selës tenton ta përjashton ASH-në nga koalicioni, por nuk mendoj se do të ketë sukses. Ai mendon se është më i rëndësishmi në këtë koalicion dhe mendon se ka të drejtë të vepron në këtë mënyrë. Mirëpo unë për të satën herë e përsërisë koalicion më të brishtë Maqedonia asnjëherë nuk ka pasur, jo vetëm për arsye të shifrave por edhe për arsye të konceptit të reformave. Sela nuk është në koalicion me Ali Ahmetin, por është në koalicion me Zaevin, aty gjendet edhe BDI-ja. Mirëpo ky koalicion është bërë për reforma, ndërsa BDI-ja ende është e paqartë se pse ka hy në këtë koalicion”, ka deklaruar për Zhurnal, analisti politik, Alajdin Demiri. 

© ZHURNAL 15.12.2017, 11:38 | Xh.I. | 4,502 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."