ZHURNAL.MK ZHURNAL.KS ZHURNAL.AL

 

Lajme nga Maqedonia
Paraburgimi i Alimit, mbrojtja ankimon vendimin

Pala mbrojtëse e Abdylfetah Alimit, ka ankimuar vendimin e Gjykatës Penale për masën e paraburgimit 30 ditor.

Shkup, 12 dhjetor - Pala mbrojtëse e Abdylfetah Alimit, ka ankimuar vendimin e Gjykatës Penale për masën e paraburgimit 30 ditor. Avokatja Artene Iseni thotë se vendimi për të dërguar në paraburgimin klientin e saj është i pabazë, pasi sipas saj, Alimi vet është paraqitur në Gjykatë dhe se natën e dhunshme në Kuvend ka qenë viktimë e dhunës së ushtruar.

"Edhe kundër faktet se i dyshuari Feta Alimi u paraqit vetë në gjykatë , gjykata solli një vendim për mendimin tim i pa bazë dhe i caktoi masën e paraburgimit për mos ikje dhe mos pengim të procedurës tek dëshmitarë", deklaroi avokatja Artene Iseini.

Iseini thonë se klienti i tij ka bërë vepër heroike dhe ai ka dalë në mbrojte të deputetëve për çka tha se në Gjykatë do të ofrojë dëshmi.

"Veprimet që i konsideron prokuroria elemente të veprës penale mendoj se janë të pa bazë për arsyeje se Fetahu ka qenë vetë viktimë e dhunës në kuvend , kemi dëshmi të mjaftueshme edhe materiale edhe verbale ku Fetahu është pozicionua në mbrojte të deputetëve", shton Artene Iseini.

Abdylfetah Alimi dyshohet për veprën “mos veprim”. Për të njëjtën vepër kohë më parë u suspendua nga MPB-ja, ndërsa më pas i njëjti u emërua si sigurim personal i kreut të ASH-së Ziadin Sela./AlsatM

 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 12.12.2017, 16:30  | Xh.I. | 6,367 i lexuar

 

 

 

Në Ditën e Shkopit të Bardhë, kryetari Taravari në vizitë te Shoqata e të verbërve “Realiteti”

Gostivar, 15 tetor - Në Ditën ndërkombëtare të personave të verbër, kryetrari i komunës së Gostivarit, Arben Taravari vizitoi zyrën e Shoqatës së personave të verbër dhe me shikim të dëmtuar “Realiteti” – Gostivar.

“Sot është 15 Tetori, dita botërore e personave të verbër, që njihet si Dita e shkopit të bardhë, andaj e përzgjodhëm pikërisht këtë ditë për të bashkëbiseduar dhe për tu njohur me hallet dhe nevojat anëtarëve të kësaj  shoqate. Më informuan se janë të ftuar në garat në ‘Gold ball' në Sarajevë. Me këtë rast ne si Komunë i mbështesim për udhëtimin dhe qëndrimin atje, si dhe urojmë që të shënojnë sa më shumë fitore. Po ashtu do tua plotësojmë edhe një kërkesë, respektivisht nevojë, do t’ua rinovojmë mjediset e Shoqatës së shpejti, menjëherë  pas përfundimit të tenderit” – theksoi kryetari Taravari.

Kryetari i shoqatës Realiteti , Xhevat Fejzuli, shprehu kënaqësinë për vizitën e dytë të kryetarit Taravari, si dhe shprehu falënderime për përkrahjen e vazhdueshme.
“Shoqata jonë numëron 62 anëtarë. Falënderojmë kryetarin që na mundëson pjesëmarrjen në garat në Sarajevë dhe uroj dhe shpresoj se do të shënojmë rezultate të kënaqshme.”, u shpreh kryetari Fejzuli.

Komuna e Gostivarit për anëtarët e shoqatës Realiteti, siguroi fanella me logon e komunës, të cilat do t’i shfrytëzojnë për pjesëmarrje në garat në Sarajevë.

Vlen të theksohet edhe se prej sot, një zyrë në objektin e NP” Komunalec”,  iu dorëzua në shfrytëzim Shoqatës për personat me nevoja të posaçme “Bashkërisht Mundemi “.

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 15.10.2018, 23:04  | Xh.I. | 2.514 i lexuar

© ZHURNAL.mk

MARKETINGU    |    IMPRESUM    |    KONTAKT    |    ARKIVA
AGJENCIA E LAJMEVE "ZHURNAL"
Fon: 02 3217 815, E-mail: info @ zhurnal.mk
© 2018 Agjencia e lajmeve "ZHURNAL"
Të gjitha të drejtat e përmbajtjes në këtë portal janë të rezervuara. Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.