Zaev: Nuk do ketë rekonstruim të qeverisë
Shkupi thyen rekordin për ndotjen e ajrit
Zaevi i drejtohet Ramës në shqip “Faleminderit Edi”
« INSIDE » Shteti pa mekanizma për mbrojtjen e kriminalitetit në rrjetet sociale!?
« Analistët » Mbledhjet ndërqeveritare, në frymën e ndërtimit të marrëdhënieve dypalëshe
oDYXKrF6.jpg

Shkup, 22 nëntor - Mbledhja e përbashkët e qeverive të vendeve të ndryshme, sikundër që është paralajmëruar për të enjten në Strumicë, ndërmjet Maqedonisë dhe Bullgarisë, para së gjithash është në funksion të mirëbesimit, ndërtimit të marrëdhënieve dypalëshe, ratifikimit të marrëveshjeve për bashkëpunim gjithëpërfshirës dhe zgjidhjes së problemeve ekzistuese. Kjo është një praktikë që ka filluar të zbatohet mes vendeve të Ballkanit, ndaj dhe është paraparë një mbledhje e tillë edhe ndërmjet Maqedonisë dhe Shqipërisë, thonë analistët për Zhurnal. 

"Natyrisht që këto mbledhje mbahen nën rekomandim dhe sponsorizim të faktorit ndërkombëtar, ndonëse nismat u takojnë qeverive përkatëse. Një praktikë e këtillë e mbajtjes së mbledhjeve të përbashkëta të qeverive të dy vendeve, mund të ketë efekte shumë pozitive, në radhë të parë në zgjidhjen e problemeve të ndryshme mes vendeve fqinje, që është parakusht për hyrje në BE. Dhe, në këtë rast, është Bullgaria ajo që i ndihmon Maqedonisë në këtë rrafsh. Duhet përshëndetur takimet e këtilla qeveritare, pra edhe atë mes Maqedonisë dhe Bullgarisë, nga këndvështrimi i interesit shqiptar, me qëllim që një ditë, ashtu siç është paralajmëruar, të mbahet edhe mes qeverive të Maqedonisë dhe Shqipërisë", thotë për Zhurnal, Ismail Arsllani, analist politik.

Sipas tij, një takim i ngjashëm mes Maqedonisë dhe Shqipërisë, do t’u sillte shumë favore për shqiptarët në Maqedoni, sepse në një tryezë të përbashkët do të jenë palët e interesuara që t’i zgjidhin aty për aty problemet pa i zvarritur fare, në saje të pranisë së njerëzve kompetentë të ministrive përkatëse. 

"Nuk duhet të kihet iluzion se këto probleme mund të zgjidhen të gjitha dhe menjëherë, sikur me ndonjë shkop magjik, por takimet mund të jenë rast i mirë për zhbllokimin e pengesave të tashme. Problemet mes Maqedonisë dhe Shqipërisë janë të shumta dhe nuk është këtu vendi që të elaborohen, ndaj dhe shqiptarët këndej kufirit presin zgjidhjen e tyre më shumë se sa në shtetin amë", nënvizon Arsllani.

Nga ana tjetër, Shpëtim Pollozhani njohës i çështjeve politike thekson se kohëve të fundit, nën udhëheqjen e Amerikës në këtë pjesë të Ballkanit është duke u vërejtur një dinamikë me një tempo-ritëm të shpejtuar pas pranimit të Malit të Zi në NATO.

"Takimi ndërmjet qeverisë së Maqedonisë dhe të Bullgarisë është në vazhdim të takimeve ndërmjet qeverive të Shqiperisë dhe Greqisë në Kretë, duke përfunduar me takim ndërmjet qeverisë së Maqedonisë dhe të Shqiperisë. Të gjitha këto lëvizje në Ballkanin mesdhetar bëhen me qëllim të përfundimit dhe të përmbylljes të "kordonit sanitar", i cili fillon nga Litvania, Letonia, Estonia, Rumania, Hungaria, Bullgaria, Turqia, Greqia, Shqipëria dhe Mali i Zi", thekson për Zhurnal, Shpëtim Pollozhani, njohës i çështjeve politike në vend.

Maqedonia është shteti, shton mëtej Pollozhani, i cili më së tepërmi do të përfitojë nga këto takime rajonale në kuadër të politikave globale të miqëve të vërtete të rajonit SHBA dhe BE.

Ndërsa, Dr. Sulejman Abazi studiues nga Tirana thotë se synimi drejt normalizimit të marrëdhënieve dypalësh e rajonale, po sjell një frymë të re në gjepolitikën ballkanike, ku secila qeveri përpiqeet të ruajë intereasat e saj, brenda një reciprociteti dhe kuadri bashkëpunimi, që zvarritet ngadalë për shkak të ndikimeve historike. 

"Sinjalet e para në Ballkan janë dhënë nga Tirana dhe Beogradi, me vizitat reciproke, mbledhjet e përbashkëta të qeverive të Shqipërisë dhe Kosovës, samiti rajonal në bashkinë e Tiranës, vizitat respektive të Zaev në Beograd, të Bojko Borisovit në Shkup, bisedimet në nivel të ministrave të jashtëm me Greqinë dhe ngjarje të tjera të pritëshme, të cilat karakterizohen nga një gjuhë diplomatike tipike përgjithësuese e marrëdhënieve ndërshtetërore. Sigurisht, ngjarja më e veçantë e ditëve në vijim është mbledhja e përbashkët që qeveria e Republikës së Maqedonisë do të zhvillojë në Strimicë me qeverinë e Republikës së Bullgarisë, në mjediset e shtëpisë së Ushtarakëve të Armatës së Maqedonisë. Deri këtu gjithçka merr karakter normal. Ajo që kuptohet, është orientimi i qeverive të vendeve ballkanike në një kurs të ri gjeopolitik, i cili po nxitet dhe mbështetet nga faktori ndërkombëtar, veçanërisht SHBA-të dhe BE-ja", thotë për Zhurnal, Dr. Sulejman Abazi, studiues.

Por ajo që na intereson, shprehet ai, është roli i pazëvendësueshëm i faktorit politik shqiptar në Maqedoni, pa prezencën e të cilit në vendimarrjet e rëndësishme politike, vet Maqedonia e rrezikon të ardhmen e saj.

"Takimet dypalëshe, ku nuk mungon prania shqiptare, janë një ogur i mirë, për ç’tensionimin e situatës dhe krijimin e një klime gjepolitike të favorëshme me përfitime reciproke", potencon Abazi. 

 

Loading...
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 22.11.2017, 22:30  | D.J. | 1,370 i lexuar

 

© ZHURNAL.mk

MË TË LEXUAR
Zaevi i drejtohet Ramës në shqip “Faleminderit Edi”
Bastisje në shtëpinë e  Elizabeta Kançeska Milevska
E enjtja e ardhshme ditë jopune
Ndodh edhe kjo: Përplasen në xhirime Mahmut Ferati dhe Shaqir Cërvadiku (Video)
Demiri: Në këtë rikonstruim nuk do të ketë as fitues as humbës
 

 


MARKETINGU    |    IMPRESUM    |    KONTAKT    |    ARKIVA

AGJENCIA E LAJMEVE "ZHURNAL"


Shkup, R. Maqedonisë
Fon: 02 3217 815
E-mail: info @ zhurnal.mk

maqedoniakosovashqiperiabotaekonomikronikasportkultureshowbizteknologji
© 2017 ZHURNAL
Të gjitha të drejtat e përmbajtjes në këtë portal janë të rezervuara.
Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.