Zaev: Nuk do ketë rekonstruim të qeverisë
Shkupi thyen rekordin për ndotjen e ajrit
Zaevi i drejtohet Ramës në shqip “Faleminderit Edi”
« INSIDE » Shteti pa mekanizma për mbrojtjen e kriminalitetit në rrjetet sociale!?
Ndihma për shpirtin e atdhetarit të mbuluar me flamurin kuq e zi, duhet të jetë ndihmë për sakrificat e tij
1_243.jpg

Tetovë, 22 nëntor - Shtëpi gati të rrënuar, pa buk, në acar të madh, pa kushte elementare për jetesë, i vetmuar skajshmërisht, i lënë pas dore, pa energji elektrike. Këto janë disa nga vuajtjet që në përditshmëri ballafaqohet veprimtari i dalluar i çështjes shqiptare Rahim Neziri "Voka" (80 vjeçar). 

Ky veprimtar ka përjetuar 13 vite malltretime çnjerrëzore nga UDB-ja sllave, mirëpo këto malltretime ai i ballafaqoi me lehtësi të madhe sepse lehtësim për të ishte ideali për lirinë e shqiptarëve. Ky ideal për liri dhe barazi ia mbanë gjallë shpirtin e tij të vetmuar i cili ballafaqohet me një gjendje tejet të rëndë jetësore. Këto ishin fjalët e Rahim Nezirit për Agjencinë e Lajmeve Zhurnal duke rrëfyer për jetën e tij në të kaluarën dhe kushtet mizore në të tashmen. 

Në shëtitjet drejt Teqes së Tetovës është kënaqësi dhe shëndet, Një ecejake e çdoditshme dhe pothuajse e kthyer në rutinë. Herë pas here shikimi na ndeshet me një të moshuar, xhaxhi Rahim, i cili kujdesshëm na përshëndeti me një “Mirdita”. 

Ai dukej krejt i zakonshëm për syrin e kalimtarit të rastit, por prapa kësaj mos rënie në sy ka diçka tjetër, xhaxhi Rahim nuk shëtit si të gjithë të tjerët, me atlete e veshmbathje si moshatarët e tij. Rrugëton me ca këpucë të grisura, i leckosur dhe çuditërisht, në supe ka të hedhur flamurin kombëtar, i përqafuar nga vetmia, pa më të voglën dëshirë për të komunikuar me njerëz, ndihej se te ky njeri ka diçka të pazbuluar. 

Në sytë e tij lexohej trishtimi, sy të përhumbur. Sakaq deri sa ishim në kasollën e tij, tek ai u ngjall një dëshirë për të rrëfyer. Xhaxhi Rahim jeton në një kasolle të vogël, mes një livadhi që ka nis t'i humbë gjelbërimi. Në ato momente këmbët i kishte shumë të lagura. 

Sapo stafi i Zhurnal hyri në kasollën e tij, e pyetëm se a mund të ulemi tek një trung që e përdor si një ulëse të vetme. Na shikoi me shumë admirim dhe na tha “Uluni të ju them ca fjalë, të ju rrëfej diçka që ju ndoshta dhe nuk e dini”, ishin fjalët e para të Rahim Nezirit "Voka". 

Më një qetësi  nis e flet: “Dua të bëhet Shqipëria Etnike” – pëshpëriti ai, dhe më pas vazhdoi: “Unë jam Rahim Voka djalë i një patrioti me prejardhje nga Shipkovica e Malësisë së Tetovës i dënuar i UDB-s sllave për 13 vjet. Dhunën e parë e kam përjetuar që nga mosha 12 vjeçare nga policia jugosllave, i dhunuar fizikisht e psiqikisht, i malltretuar për vdekje, por kurrë nuk hoq dorë prej idealit tim”, me plotë emocion tha xhaxhi Rahim. 

Ai më pas na rrëfeu edhe për shtëpinë që ka dhe kushtet mizore që jeton. 

“Shtëpi e kam këtë, mirë dhe këtë që e kam, skam as pension  as ndihmë sociale nga shteti, e unë skam ku shkoj tjetër? Për të mos ju nënshtruar armikut për të mbrojtur këtë ideal kam harxhuar nga vetja gjithçka. Na tregoi disa nishane që i kishte në fytyrë si pasoj maltretimeve që ka pasur nga UDB-ja sllave. 

"Por kurrë unë se tradhtova kombin tim, gjithmonë e thoja më “zë të lartë” idenë time për bashkimin e trojeve shqiptare". 

Xhaxhi Rahim thotë që  familja e tij i nënshtrohej një dhune psiqike. Rrënqethëse ishte tregimi i tij ku tha se Xhandarmëria çdo ditë këmishat e tij të mbuluara me gjak ja dërgonin gruas së tij tek porta... ku më pastaj ajo i lante me lot. Dhe kjo vazhdoi për shumë vjet ...

Po e ndërpresim për një çast vëmendjen nga ky rrëfim që po na rrënqeth trupin. Çfarë njeriu qenka ky që mbron kaq shumë idealin e vet, që do kaq shumë popullin e tij. Edhe pse për ushqim ka një copë buke që e gjen teksa shëtitet me orë të tëra për të, kokën e tij e mbulon një çati që gjysma e tullave i mungojnë. 


Si mund të jetë kështu në këtë kohë? Ku vëllai vllaun e shet për mundësinë më të vogël që i jepet, ku antivlerat po mbisundojnë, e politikaneve tanë as që ju bëhet vonë për injorimin që na kërcënon çdo ditë nga pala tjetër  dhe themi me vete,  çna thotë ky njeri! Bashkimi i trojeve shqiptare, ku ne të jetojmë e të gëzojmë të drejtat tona. Jo zotëri këtu sapo futen në pushtet dhe se hedhin shikimin kah populli që ua dha atyre pushtetin.

U çuam nga druri që ishim të ulur dhe realisht i gjithë trupi na dhimbte nga "komoditeti" i saj, ndërsa për xha Rahimin ajo ishte ulësja “më e mirë“ dhe ishte e vetmja aty.

Ndërsa për të fjetur i bashkonte edhe disa të tjerë  që as mund të quhen ulëse. E kuptoni tani sa “rehat” flinte?I gjori!  Kockë e lëkurë , vitet po i lexoheshin në fytyrë, jeta nuk i premtonte dhe shumë kohë që të arrinte idealin e tij. I tillë siç është askush se merr me mend se ky bashkvendas i Sadudin Gjurës, që ka vuajtur aq shumë për lirinë e popullit të vet është një prej të mëdhenjve që nuk bie në sy. Madhështia e tij duket sikur është mbuluar prej leckave. 

Por është pikërisht ky idealist tragjik që meriton jo indiferencën dhe përbuzjen, jo injorimin dhe përçmimin por respektin dhe admirimin tonë. Atdheun, megjithatë, e bënë idealistët dhe e rrjepim më tej të tjerët në emër të idealeve të mëdha. Sa pak prej ne të rinjve e të rejave e dinë se ky Njeri kontribuoi kaq shumë për lirinë e kombit tonë. 

Ai duket në sytë tanë si një i pastrehë që ka hedhur supeve një flamurë për të ngrohur trupin! Po ai flamur, për të cilin  ka sakrifikuar gjithçka, ja ngroh shpirtin. Si rrallë kujt në këtë kohë ky njeri, kaq i thjeshtë dhe kaq i madhërishëm njëkohësisht , është Rahim Voka, i cili edhe pse nuk jeton në luks ai është sakrifikuar për gjënë më të shtrenjtë që e bën të dinjitetshme jetën e njeriut: lirinë. Kjo shtëpi ku jeton xha Rahimi ndodhet në rrethinën e Tetovës, por  e cila u ngjan shtëpive si në Afrikë.
Rrahim Vokës i kushtoi tërë jetën përkushtimi i tij në ideal, atdhetarizëm dhe heroi i gjallë në praktikë që e mbanë gjallë këtë frymë në përditshmëri, pra për të është prioritet kryesor në veprimet e tij që të frymon shqip, dhe me idealin e bashkimit kombëtar.

Meqenëse ia kushtoi kësaj ideje, i palëkundur tërë jetën, tani atdhetari Voka, është në gjendje të rëndë për jetesë. Ai gjendet përballë vështirësive të pa imagjinuara. Ndihma për të, për shpirtin e atdhetarit të mbuluar me flamurin kuq e zi duhet të jetë ndihmë për sakrificat e tij, sepse ai u ka dhënë mesazhin shërbimeve anti-shqiptare se burrëria e tij , nuk thyhet, do të jetoj me ideal edhe pse e rrëzikoi jetën tij, familjen tij,  pa shtëpi, e la vetën pa asgjë.

Dhe realisht xhaxhin Rahim, ky fat po e përjeton, në moshën e shtyrë 80 vjecare ai është duke u përballur me gjendje të rëndë ekonomike.

Për çdo qindarkë deri tek xha Rahimi mund të kontaktoni prej ora 9 deri ora 16:00 tek 078277320

 

Loading...
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 22.11.2017, 16:01  | Xh.I. | 12,329 i lexuar

 

© ZHURNAL.mk

MË TË LEXUAR
Zaevi i drejtohet Ramës në shqip “Faleminderit Edi”
Bastisje në shtëpinë e  Elizabeta Kançeska Milevska
E enjtja e ardhshme ditë jopune
Ndodh edhe kjo: Përplasen në xhirime Mahmut Ferati dhe Shaqir Cërvadiku (Video)
Demiri: Në këtë rikonstruim nuk do të ketë as fitues as humbës
 

 


MARKETINGU    |    IMPRESUM    |    KONTAKT    |    ARKIVA

AGJENCIA E LAJMEVE "ZHURNAL"


Shkup, R. Maqedonisë
Fon: 02 3217 815
E-mail: info @ zhurnal.mk

maqedoniakosovashqiperiabotaekonomikronikasportkultureshowbizteknologji
© 2017 ZHURNAL
Të gjitha të drejtat e përmbajtjes në këtë portal janë të rezervuara.
Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.