Xhaferi: Kultivimi i pasurive gjuhësore dhe kulturore në kontribut për një të ardhme më të mirë
maqedonia
Xhaferi: Kultivimi i pasurive gjuhësore dhe kulturore në kontribut për një të ardhme më të mirë

Xhaferi: Kultivimi i pasurive gjuhësore dhe kulturore në kontribut për një të ardhme më të mirë

Shkup, 22 nëntor - Kryetari i Kuvendit të Maqedonisë Talat Xhaferi dërgoi urim me rastin e 22 Nëntorit - Ditës së Alfabetit të Gjuhës Shqipe.

"Alfabeti, gjuha dhe shkrim-leximi janë shumë më shumë se vetëm mjet komunikimi, ato janë vlerë në vete, mbrojtës i traditës dhe identitetit kombëtar. Në nëntor të vitit 1908, në Kongresin e Manastirit, u kodifikua alfabeti shqip dhe kjo kishte ndikim të rëndësishëm mbi ngritjen e vetëdijes kombëtare dhe mbi unitetin ndër shqiptarët", thotë Xhaferi në urimin. 

Republika e Maqedonisë, shton Xhaferi,  është vend në të cilin kultivohen dhe respektohen dallimet dhe me kultivimin e pasurisë gjuhësore dhe kulturore të të gjithë qytetarëve, ne kontribuojmë kah ruajtja e vlerave të përbashkëta të përhershme dhe ky është investim për një ardhmëri më të mirë të gjeneratave tona të reja.

© ZHURNAL 22.11.2017, 10:18 | I.XH | 764 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."