BE: Procesi zgjedhor ishte i qetë me disa incidente të vogla
kosova
BE: Procesi zgjedhor ishte i qetë me disa incidente të vogla

BE: Procesi zgjedhor ishte i qetë me disa incidente të vogla

Prishtinë, 21 nëntor - Misioni i Vëzhguesve të BE-së ka dhënë vlerësimet për procesin e balotazhit që u zhvillua më 19 nëntor në 19 komuna, njofton Klan Kosova.

 

Shefi Observer i Misionit të Vëzhgimit të Zgjedhjeve të Bashkimit Evropian, Alojz Peterle, ka thënë se këto ishin zgjedhje me konkurrencë të fortë dhe që u zhvilluan në atmosferë të qetë.

 

“Në vërejtëm tension në disa komuna ku garuesit akuzuan njëri-tjetrin psh në Gjakovë dhe Mitrovicën Jugore”, tha Peterle në një konferencë për media, njofton Klan Kosova.

 

“Tensionet që i vëzhguan apo që i vërejtën vëzhguesit tanë në Mitrovicë dhe Gjakovë, nuk na lejon që të spektolojmë për rezultatin e zgjedhjeve”.

 

“Kemi qenë të kënaqur që nuk kemi vërejtur ndonjë incident të veçantë”.

 

“Ngjashëm ndodhi edhe në Partesh që kandidatët akuzuan njëri-tjetrin për blerje të votave. Por dita kaloi pa incidente”.

 

Petrele tha se mediat ofruan mbulueshmëri të mjaftueshme dhe të balancuar për të gjitha partitë, njofton Klan Kosova.

 

Ai tregoi se misioni i BE-së ka vizituar 292 vendvotime dhe tha se numërimi i votave është zhvilluar në mënyrë transparente.

 

“Megjithatë disa gjëra në këtë drejtim duhet të përmirësohen – poashtu qasja për personat me aftësi të kufizuara ka qenë e vështirë”.

 

“Vlerësimet tona do të kenë kuptim nëse vetëm gjetjet tona dhe rekomandimet merren parasysh dhe te imlemetnohen”.

© ZHURNAL 21.11.2017, 12:33 | Z.H.
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."