ZHURNAL.MK ZHURNAL.KS ZHURNAL.AL

 

Lajme nga Maqedonia
Europa kundër Rusisë, kontrast influencës ruse në Ballkan

Kritikët e Moskës në Bruksel janë të bindur se Rusia po ndërmerr një fushatë dezinformimi të qëllimshëm, kryesisht në Ballkan, ndaj blloku ka nisur përpjekjet për hartimin e një kundërstrategjie.

Shkup, 14 nëntor - Kritikët e Moskës në Bruksel janë të bindur se Rusia po ndërmerr një fushatë dezinformimi të qëllimshëm, kryesisht në Ballkan, ndaj blloku ka nisur përpjekjet për hartimin e një kundërstrategjie, shkruan TCH, transmeton Zhurnal.

BE-ja filloi konsultimet publike për “lajmet e rreme” dhe keqinformimin online, të konsideruar sot një fenomen gjithmonë e më shqetësues për demokracitë funksionale, duke qenë se cënon përceptimin e realitetit.

Komisioni Europian e miratoi mocionin të hënën dhe vendosi krijimin e një grupi ekspertësh të nivelit të lartë, puna e të cilit do të paraqitet pranëveren e 2018-s.

BE-ja kërkon që qytetarët, platformat e mediave sociale, organizatat e lajmeve, hulumtuesit dhe autoritetet publike të kontribuojnë në konsultime deri në mesin e muajit shkurt.

Grupi i ekspertëve, që do të përfshijë edhe përfaqësues të shoqërisë civile dhe akademike, pritet të nisë punën nga fillimi i janarit. Sesi mund t’i vihet fre influencës së mediave ruse, për këtë diskutoi në Bruksel edhe Këshilli i Punëve të Jashtme.

Në fokus janë sidomos vendet e Europës lindore e asaj jug-lindore. Që në 2015-n, mbi bazën e një nisme të këtij këshilli u krijua një task force për komunikimin strategjik, StratCom, për të zbuluar dhe luftuar “fushatën dezinformuese ruse”.

Problemi është se kjo njësi ka pasur një financim fare modest dhe përbëhet nga vetëm 16 punonjës, një ekip i pamjaftueshëm ky sipas ekspertëve për t’i bërë ballë ndikimit të Moskës sidomos në Ballkan.

Ndaj dhe kërkohet që financimi i përpjekjeve kundër propagrandës ruse të trefishohet në të paktën 1 milion euro, e këtu sillet për krahasim rasti i task forcës së ngjashme amerikane, Global Engagement Center, që ka mbi 80 punonjës me një fond prej 60 milionë dollarësh.

 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 14.11.2017, 18:08  | D.J. | 1,902 i lexuar

 

 

 

Në Ditën e Shkopit të Bardhë, kryetari Taravari në vizitë te Shoqata e të verbërve “Realiteti”

Gostivar, 15 tetor - Në Ditën ndërkombëtare të personave të verbër, kryetrari i komunës së Gostivarit, Arben Taravari vizitoi zyrën e Shoqatës së personave të verbër dhe me shikim të dëmtuar “Realiteti” – Gostivar.

“Sot është 15 Tetori, dita botërore e personave të verbër, që njihet si Dita e shkopit të bardhë, andaj e përzgjodhëm pikërisht këtë ditë për të bashkëbiseduar dhe për tu njohur me hallet dhe nevojat anëtarëve të kësaj  shoqate. Më informuan se janë të ftuar në garat në ‘Gold ball' në Sarajevë. Me këtë rast ne si Komunë i mbështesim për udhëtimin dhe qëndrimin atje, si dhe urojmë që të shënojnë sa më shumë fitore. Po ashtu do tua plotësojmë edhe një kërkesë, respektivisht nevojë, do t’ua rinovojmë mjediset e Shoqatës së shpejti, menjëherë  pas përfundimit të tenderit” – theksoi kryetari Taravari.

Kryetari i shoqatës Realiteti , Xhevat Fejzuli, shprehu kënaqësinë për vizitën e dytë të kryetarit Taravari, si dhe shprehu falënderime për përkrahjen e vazhdueshme.
“Shoqata jonë numëron 62 anëtarë. Falënderojmë kryetarin që na mundëson pjesëmarrjen në garat në Sarajevë dhe uroj dhe shpresoj se do të shënojmë rezultate të kënaqshme.”, u shpreh kryetari Fejzuli.

Komuna e Gostivarit për anëtarët e shoqatës Realiteti, siguroi fanella me logon e komunës, të cilat do t’i shfrytëzojnë për pjesëmarrje në garat në Sarajevë.

Vlen të theksohet edhe se prej sot, një zyrë në objektin e NP” Komunalec”,  iu dorëzua në shfrytëzim Shoqatës për personat me nevoja të posaçme “Bashkërisht Mundemi “.

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 15.10.2018, 23:04  | D.J. | 2.164 i lexuar

© ZHURNAL.mk

MARKETINGU    |    IMPRESUM    |    KONTAKT    |    ARKIVA
AGJENCIA E LAJMEVE "ZHURNAL"
Fon: 02 3217 815, E-mail: info @ zhurnal.mk
© 2018 Agjencia e lajmeve "ZHURNAL"
Të gjitha të drejtat e përmbajtjes në këtë portal janë të rezervuara. Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.